gajendramokṣaḥ · Chapter 1

śrīmadbhāgavate aṣṭamaskaṃdhe parīkṣita mahārājānāṃ śrī śukamuniḥ upadeśita gajeṃdramokṣa stotramidaṃ
śrī śuka uvāca
evaṃ vyavasito buddhyā samādhāya mano hṛdi |
jajāpa paramaṃ jāpyaṃ prāgjanmanyanuśikṣitaṃ

gajeṃdra uvāca
ॐ namo bhagavate tasmai yata etaccidātmakaṃ |
puruṣāyādi bījāya pareśāyābhidhīmahi

yasminnidaṃ yataścedaṃ yenedaṃ ya idaṃ svayaṃ |
yosmāparasmācca parastaṃ prapadye svayaṃbhuvaṃ

yaḥ svātmanīdaṃ nijamāyayārpitaṃ
kvacidvibhātaṃ kvaca tattirohitaṃ |
aviddhadṛksākṣyu bhayaṃ tadīkṣate
sa ātmamūlovatu māṃ parātparaḥ

kālena paṃcatvamiteṣu kṛtsnaśo
lokeṣu pāleṣu ca sarvahetuṣu |
tamastadāsīdgahanaṃ gabhīraṃ
yastasya pārebhivirājite vibhu

na yasya devā ṛṣayaḥ
padaṃrvijaṃtuḥ korhati gaṃtumīrituṃ |
yathā naṭasyābhikṛtirviceṣṭato
sa ātmamūlovatu māṃ parātparaḥ

didṛkṣavo yasyapadaṃ sumaṃgaḻaṃ
vimuktasaṃgā munayaḥ susādhavaḥ |
caraṃtya loka vratamavraṇaṃ vane
bhūtātmabhūtāḥ sahṛdaḥ sa me gatiḥ

na vidyate yasya ca janmakarmavā
na nāmarūpe guṇadoṣa eva vā |
tathāpi lokāpyaya saṃbhavāya yaḥ
svamāyayā tānyanukālamṛcchati

tasmai namaḥ pareśāya brahmaṇenaṃtaśaktaye |
arūpāyorurūpāya nama āścarya karmaṇe

nama ātmapradīpāya sākṣiṇe paramātmane |
namo girāṃ vidūrāya manaścetasāmapi

sattvena pratilabhyāya naiṣkarmyeṇa vipaścitā |
namaḥ kaivalyanāthāya nirvāṇasukhasaṃvide

namaḥ śāṃtāya ghorāya mūḍhāya guṇadharmiṇe |
nirviśeṣāya sāmyāya namo jñānaghanāya ca

kṣetrajñāya namastubhyaṃ sarvādhykṣāya sākṣiṇe |
puruṣāyātma mūlāya mūlaprakṛtaye namaḥ

sarveṃdriya guṇadṛṣṭre sarvapratyaya hetave |
asatācchāyayoktāya sadābhāsāya te namaḥ

namo namastekhilakāraṇāya
niṣkāraṇāyādbhuta kāraṇāya |
sarvāgamāmnāya mahārṇavāya
namopavargāya parāyaṇāya

guṇāraṇicchanna cidūṣmapāya
tatkṣobhavisphūrjita mānasāya |
naiṣkarmya bhāvena vivarjitagama
svayaṃprakāśāya namaskaromi

mādṛkprapanna paśupāśa vimokṣaṇāya
muktāya bhūrikāraṇāya namolayāya |
svāṃśena sarvatanubhṛnmanasi pratīta
pratyagdṛśe bhagavate bṛhate namaste

ātmātmajāpta gṛhavittajaneṣu saktai
rduṣprāpaṇāya guṇasaṃga vivarjitāya |
muktātmabhiḥ svahṛdaye paribhāvitāya
jñānātmane bhagavate nama īśvarāya

yaṃ dharmārtha vimuktakāmā
bhajaṃta iṣṭāṃ gatimāpnuvaṃti |
kiṃ tvāśiṣorātyapi dehamavyayaṃ
karotumedabhradayo vimokṣaṇaṃ

ekāṃtino yasya na kaṃcanārthaṃ
vāṃchaṃti ye vai bhagavatprapannāḥ |
atyadbhutaṃ taccaritaṃ sumaṃgaḻaṃ
gāyaṃta ānaṃdasamudramagnāḥ

tamakṣaraṃ brahma paraṃ pareśamavyakta
mādhyātmika yogagamyaṃ |
atīṃdriyaṃ sūkṣmamivātidūra
manaṃtamādyaṃ paripūrṇamīḍe

yasya brahmādayodevā vedā lokāścarācarāḥ |
nāmarūpa vibhedena phalgvyā ca kalayā kṛtāḥ

yathārciṣogneḥ saviturgarbhastayo
niryāṃti saṃyātyasukṛtsvarociṣaḥ |
tathā yatoyaṃ guṇasampravāho
buddhirmanaḥ khāni śarīrasargāḥ

sa vai na devāsuramartyatirya
ṅna strī na ṣaṃḍo na pumānnajaṃtuḥ |
nāyaṃ guṇaḥ karma na sannacāsa
nniśedhaśeṣo jayatādaśeṣaḥ

jijīviṣe nāhamihamuyā
kimaṃtarbahiścā vṛttaye bhayonyā |
icchāmi kālena na yasya viplavaḥ
tasyātmalokāvaraṇasya mokṣaṃ

sohaṃ viśvasṛjaṃ viśvamaviśvaṃ viśvavedasaṃ |
viśvātmānajaṃ brahma praṇatosmi paraṃpadaṃ

yogaraṃdhitakarmaṇo hṛdi yogavibhāvite |
yogino yaṃ prapaśyaṃti yogeśaṃ taṃ natosmyahaṃ

namo namastubhyasahyavegāya
śaktitrayā yākhilādhi guṇāya |
prapanna pālāya duraṃtaśaktaye
kadiṃdriyāṇā manavāpyavartmane

nāyaṃ veda svamātmānaṃ yacchaktyā haṃdhiyā hataṃ |
taṃ duratyaya māhātmyaṃ bhagavaṃtamitosmyahaṃ

śrī śuka uvāca
evaṃ gajeṃdramupavarṇita nirviśeṣaṃ
brahmādayo vividha liṃga bhidābhimānāḥ |
naite yadopasṛpurnikhilātmakatvāt
tatrākhilāmaramayo harirāvirāsīt

taṃ tadvatārttamuplabhya jagannivāsaḥ
stotraṃniśamya divijaiḥsaha saṃstuvadbhiḥ |
chaṃdomayen garuḍena samuhyamāno
ścakrāyudhobhyagamadāśu yato gajeṃdraḥ

soṃtassarasyurubalena gṛhīta ārto
dṛṣṭvā garutmati hariṃ kha upāttacakraṃ |
utkṣipya sāṃbujakaraṃ girimāha kacchrā
nnārayaṇākhilaguro bhatavannamaste

taṃ vīkṣyapīḍitamajaḥ sahasāvatīrya
sagrāhamāśu sarasaḥ kṛpayojjāhāraḥ |
gṛhādvipāṭita mukhādariṇā gajeṃdraṃ
saṃpaśyatāṃ hariramūmucadusriyāṇāṃ