Dvāviṃśatyavadānakathā · Verses 16-36

rohaṇāc campakaṃ puṣpaṃ narā ye śraddhayā kila /
kīrtiśabdaś ca lokeṣu sarvasaṃpada labhyate

darśanīyābhirūpāś ca kandarpasamatāṅgataḥ /
sugandhadehasaṃpannā rājalakṣmī ca labhyate

jātipuṣpaṃ ca rohante jātiś ca sukule gatā /
suṣṭhusugandhadehā vai dhanena dhanadasamāḥ

padmapuṣpa ṃ naraḥ kaś cit prasannena prarohati /
buddhajñāna ṃ samāpnoti jāyate kamalāsane

madhudaṃ madhurīpuṣpaiḥ kusumair vastradaṃ tathā /
kauśikair vastradaṃ caiva kiṃśukai raktavastradam

kusumaṃ pārijātaṃ ca yaḥ prarohati mānavaḥ /
anantasukham āpnoti sugandhadehago bhavet

bandhūkapuṣpasaṃrohaṃ sarvapāpāpadakṣayam /
rohanaṃ ketakīpuṣpaṃ kīrtivanto bhaven narāḥ /
sugandhasukhasampanna ṃ maṅgalaṃ bhavati sarvataḥ

kumudapuṣpa rohante candravanmukhamaṇḍalam /
candrakāntisamaṃ saumyaṃ jāyante tridaśālaye

nīlotpalāni puṣpāṇi ye prarohanti śraddhayā / mukhe ' sya cotpalogandho maharddhikanṛpo bhavet //
aśokapuṣpa rohante, asamaṃca kalevaram /
sarvarogavinirmuktabhūpatitvaṃ prajāyate

kusumaṃ bhṛṅgarājaṃ ca rohaṇaṃ mānavāḥ parāḥ /
rogaśokamahāghorasarvavyādhiniṣūdanam

javākusuma rohante mānavā naranāyakāḥ l
mohanaṃ sarvalokānāṃ lokānāṃ vaśyam āgatāḥ

rohaṇam arkapuṣpāṇāṃ mānavāḥ śuddhamānasāḥ /
sahasraraśmisaṃyuktaḥ janavān dhanavān bhavet

kahlārapuṣpam ārohāt suprasannena cetasā /
nāśanaṃ sarvarogāṇāṃ lakṣmīr vahati sarvadā

nāgapuṣpair ihābhyarcya paratra sukhībhavet /
tathā ca mālatīpuṣpair mahāpātakanāśanam

bilvapattrāṇi śreṣṭhāni rohaṇāc ca atandritaḥ /
śivaṃ sarvatra prāpnoti yajjānāṃ ca sahasrakam

dhūrtapuṣpaṃ rohante suvarṇatulyanirmitam /
vibhavasukhasaṃpannaḥ sa bhogaphalam āpyate

raktapadmaiś ca saṃpūjya brahmahatyādināśanam /
dūrvakundapraroheṇa ye narā bhaktimānasāḥ /
śatajanmārjitaṃ pāpaṃ mukto bhavati tatkṣaṇāt

tagaraṃ puṣpa rohanti paraloke sukhāvahā ḥ /
pitaraḥ prītitā ṃ yānti viśeṣaiḥ śrāddhakarmakaiḥ

tatkārīpuṣpa rohante lakṣmīvantaḥ sadā narāḥ /
dhanadhānyasamṛddhaṃ ca īpsitārthaphalaṃ bhavet

mallikāpuṣpa rohante na māro kṣobhayet punaḥ /
sugandhapuṣparoheṇa sugandhaguṇakīrtanaḥ