Brihat Samhita · Chapter 81

saugandhika^kuruvinda^sphaṭikebhyaḥ padmarāga^sambhūtiḥ[K's tr. padmarāgo sambhūtiḥ]/
saugandhikajā bhramara^añjana^abja^jambū^rasa^dyutayaḥ//

kuruvinda^bhavāḥ śabalā manda^dyutayaś ca dhātubhir viddhāḥ/
sphaṭikabhavā dyutimanto nānāvarṇā viśuddhāś ca//

snigdhaḥ prabhānulepī svaccho +arciṣmān guruḥ susaṃsthānaḥ/
antaḥprabho +atirāgo[K.atirāgā] maṇiratnaguṇāḥ samastānām//

kaluṣā mandadyutayo lekhākīrṇāḥ sadhātavaḥ khaṇḍāḥ/
durviddhā na manojñāḥ saśarkarāś ca^iti maṇidoṣāḥ//

bhramara^śikhi^kaṇṭha^varṇo dīpa^śikhā^saprabho bhujaṅgānām/
bhavati maṇiḥ kika mūrdhani yo +anargheyaḥ sa vijñeyaḥ//

yas taṃ bibharti manujādhipatir na tasya
doṣā bhavanti viṣa^roga^kṛtāḥ kadā cit/
rāṣṭre ca nityam abhivarṣati tasya devaḥ
śatrūṃś ca nāśayati tasya maṇeḥ prabhāvāt//

ṣaḍviṃśatiḥ sahasrāṇy ekasya maṇeḥ pala^pramāṇasya/
karṣa^trayasya viṃśatir upadiṣṭā padmarāgasya//

ardhapalasya dvādaśa karṣasya ekasya ṣaṭsahasrāṇi/
yac ca^aṣṭa^māṣaka^dhṛtaṃ tasya sahasratrayaṃ mūlyam//

māṣaka^catuṣṭayaṃ daśa^śata^krayaṃ dvau tu pañcaśatamūlyau/
parikalpyam antarāle mūlyaṃ hīna^adhika^guṇānām//

varṇany ūnasya^ardhaṃ tejohīnasya mūlyam aṣṭāṃśam/
alpaguṇo bahudoṣo mūlyāt prāpnoti viṃśāṃśam//

ādhūmraṃ vraṇabahulaṃ svalpaguṇaṃ cāpnuyād dviśatabhāgam/
iti padmarāga^mūlyaṃ pūrvācāryaiḥ samuddiṣṭam//
82 marakatalakṣaṇādhyāyaḥ/