Brihat Samhita · Chapter 72
nicitaṃ tu[K's tr. nu] haṃsa^pakṣaiḥ kṛkavāku^mayūra^sārasānāṃ vā/
daukūlyena[K.daukūlena] navena tu samantataś chāditaṃ śuklam//
muktāphalair upacitaṃ pralamba^mālā^āvilaṃ sphaṭika^mūlam/
ṣaḍ^ḍhasta^śuddhahaimaṃ nava^parva^naga^eka^daṇḍaṃ tu//
daṇḍa^ardha^vistṛtaṃ tat samāvṛtaṃ ratna^bhūṣitam[K.ratnavibhūṣitam, K's tr. ratnabhūṣitam] udagram/
nṛpates tad^ātapatraṃ kalyāṇa^paraṃ vijayadaṃ ca//
yuvarāja^nṛpati^patnyoḥ senāpati^daṇḍanāyakānāṃ ca/
daṇḍo +ardha^pañca^hastaḥ samapañca^*kṛto +ardha[K.kṛtārdha]vistāraḥ//
anyeṣām uṣṇaghnaṃ prasādapaṭṭair vibhūṣita^śiraskam/
vyālambi^ratnamālaṃ chatraṃ kāryaṃ tu[K.ca] māyūram//
anyeṣāṃ tu narāṇāṃ śīta^ātapa^vāraṇaṃ tu caturasram[K.caturaśram]/
samavṛtta^daṇḍa^yuktaṃ chatraṃ kāryaṃ tu viprāṇām//
73 strīpraśamsādhyāyaḥ
Original text: Bṛhatsaṃhitā · Edition: of A.V.Tripathi (Sarasvati Bhavan Granthamala Edition) with reference to H.Kern's text and his translation [variants marked by K. & K's tr.] and Utpala's commentary [marked by U.] · Data entry Michio Yano Mizue Sugita · GRETIL (Göttingen) · CC BY-NC-SA 4.0