Brihat Samhita · Chapter 64

chāga^śubha^aśubha^lakṣaṇam abhidhāsye nava^daśa^aṣṭa^dantās te/
dhanyāḥ sthāpyā veśmani santyājyāḥ sapta^dantā ye//

dakṣiṇa^pārśve maṇḍalam asitaṃ śuklasya śubhaphalaṃ bhavati/
ṛṣya^nibha^kṛṣṇa^lohita^varṇānāṃ śvetam ati[K.api]śubhadam//

stanavad avalambate yaḥ kaṇṭhe +ajānāṃ maṇiḥ sa vijñeyaḥ/
ekamaṇiḥ śubhaphala^kṛd dhanyatamā dvi^tra^maṇayo[K.dvitrimaṇayo] ye//

muṇḍāḥ sarve śubhadāḥ sarva^sitāḥ sarva^kṛṣṇa^dehāś ca/
ardha^asitāḥ sita^ardhā dhanyāḥ kapila^ardha^kṛṣṇāś ca//

vicarati yūthasya^agre prathamaṃ ca^ambho +avagāhate yo +ajaḥ/
sa śubhaḥ sita^mūrdhā vā mūrdhani vā kṛttikā[K.ṭikkikā] yasya//

sa^pṛṣata^kaṇṭha^śirā vā tila^piṣṭa^nibhaś ca tāmradṛk śastaḥ/
kṛṣṇa^caraṇaḥ sito vā kṛṣṇo vā śveta^caraṇo yaḥ//

yaḥ kṛṣṇa^aṇḍaḥ śveto madhye kṛṣṇena bhavati paṭṭena/
yo vā carati saśabdaṃ mandaṃ ca sa śobhanaś chāgaḥ//

ṛṣya^śiroruha^pādo yo vā prāk pāṇḍuro +apare nīlaḥ/
sa bhavati śubhakṛc chāgaḥ ślokaś ca^apy atra garga^uktaḥ//

kuṭṭakaḥ kuṭilaś ca^eva jaṭilo vāmanas tathā/
te catvāraḥ śriyaḥ putrā na^alakṣmīke vasanti te//

atha^apraśastāḥ khara^tulya^nādāḥ
pradīpta^pucchāḥ kunakhā vivarṇāḥ/
nikṛtta^karṇā dvipa^mastakāś ca
bhavanti ye ca^asita^tālu^jihvāḥ//

varṇaiḥ praśastair maṇibhiḥ prayuktā[K.ca yuktā]
muṇḍāś ca ye tāmra^vilocanāś ca/
te pūjitā veśmani[K.veśmasu] mānavānāṃ
saukhyāni kurvanti yaśaḥ śriyaṃ ca//
65 aśvalakṣaṇādhyāyaḥ