Brihat Samhita · Chapter 35

sūryasya vividhavarṇāḥ pavanena vighaṭṭitāḥ karāḥ sa^abhre/
viyati dhanuḥ^saṃsthānā ye dṛśyante tad indradhanuḥ//

ke cid anantakula^uraga^niḥśvāsa^udbhūtam āhur ācāryāḥ/
tad yāyināṃ nṛpāṇām abhimukham ajaya^āvahaṃ bhavati//

acchinnam avani^gāḍhaṃ dyutimat snigdhaṃ ghanaṃ vividhavarṇam/
dvir uditam anulomaṃ ca praśastam ambhaḥ prayacchati ca//

vidig^udbhūtaṃ dik^svāmi^nāśanaṃ vyabhrajaṃ maraka^kāri/
pāṭala^pītaka^nīlaiḥ śastra^agni^kṣut^kṛtā doṣāḥ//

jalamadhye +anāvṛṣṭir bhuvi sasya^vadhas tarau sthite vyādhiḥ/
*vālmīke[K.valmīke] śastra^bhayaṃ niśi saciva^vadhāya dhanur aindram//

vṛṣṭiṃ karoty avṛṣṭyāṃ vṛṣṭiṃ vṛṣṭyāṃ nivārayaty aindryām/
paścāt sadaiva vṛṣṭiṃ kuliśabhṛtaś cāpam ācaṣṭe//

cāpaṃ maghonaḥ kurute niśāyām
ākhaṇḍalāyāṃ diśi bhūpapīḍām/
yāmya^apara^udak^prabhavaṃ nihanyāt
senāpatiṃ nāyaka^mantriṇau ca//

niśi suracāpaṃ sita^varṇādyaṃ janayati pīḍāṃ dvija^pūrvāṇām/
bhavati ca yasyāṃ diśi tad deśyaṃ narapati^mukhyaṃ nacirād dhanyāt//
36 gandharvanagaralakṣaṇādhyāyaḥ