બૃહત્પારાશરહોરાશાસ્ત્રમ્ · અધ્યાય 89

અથૈક નક્ષત્ર જાતશાન્ત્યધ્યાયઃ

અથ યદ્યેકનક્ષત્રે ભ્રાત્રોર્વા પિતૃપુત્રયોઃ ।
પ્રસૂતિશ્ચ તયોર્મૃતુરથૈવકસ્ય નિશ્ચયઃ

તત્ર શાન્તિં પ્રવક્ષ્યામિ ગર્ગાદિમુનિભાષિતમ્ ।
સુદિને શુભનક્ષત્રે ચન્દ્રતારાબલાન્વિતે

રિક્તાવવિષ્ટિવિવર્જ્યે ચ સમય શાન્તિમાચરેત્ ।
શનેરીશાનદિગ્ભાગે નક્ષત્રપ્રતિમાં શુભામ્

તન્નક્ષત્રોક્તમન્ત્રેણ પૂજયેત્ કલશોપરિ ।
રક્તવસ્ત્રેણ સંછાદ્ય વસ્ત્રયુગ્મેન વેષ્ટયેત્

સ્વસ્વશાખોક્તમાર્ગેણ કુર્યાદગ્નિમુખં તથા ।
પુનસ્તેનૈવ મન્ત્રેણ હુનદષ્ટોત્તરં શતમ્

પ્રત્યેકં સમિદન્નાજ્યૈઃ પ્રાયશ્ચિત્તાન્તમેવ હિ ।
અભિષેકં તતઃ કુર્યાદાચાર્યશ્ચ દ્વયોરપિ

ઋત્વિગ્ભ્યો દક્ષિણાં દદ્યાદાચાર્યાય વિશેષતઃ ।
બ્રાહ્મણાન્ ભોજયેદ્ ભક્ત્યા વિત્તશાઠ્યવિવર્જિતઃ