Brihat Parashara Hora Shastra · Chapter 36

atha vividhayogādhyāyaḥ

lagne śubhayute yogaḥ śubhaḥ pāpayute'śubhaḥ/
vyayasvagaiḥ śubhaiḥ pāpaiḥ kramādyogau śubhā'śubhau

śubhayogod‌bhavo vāgmī rūpaśīlaguṇavanvitaḥ/
pāpayogod‌bhavaḥ kāmī pāpakarmā parārthayuk‌

kendre devagurau lagnāccandrādvā śubhadṛg‌yute/
nīcāstārigṛhairhīne yogo'yaṃ gajakesarī

gajakesarīsañjātastejasvī dhanavān‌ bhavet‌/
medhāvī guṇasampanno rājapriyakaro naraḥ

daśame'ṅgāttathā candrāt‌ kevalaiśca śubhairyute/
sa yogo'malakītrtyākhyaḥ kīrtirācandratārakī

rājapūjye mahābhogī dātā bandhujanapriyaḥ/
paropakārī dharmātmā guṇaḍh‌yo'malakīrtijaḥ

saptame cā'ṣṭame śuddhe śubhagrahayute'thavā/
kendreṣu śubhayukteṣu yogaḥ parvatasaṃjñakaḥ

bhāgyavān‌ parvatotpannaḥ vāgmī dātā ca śāstravit‌/
hāsyapriyo yaśasvī ca tejasvī puranāyakaḥ

sukheśejyau mithaḥ kendragatau balini lagnape/
kāhalo vā svabhoccasthe sukheśe karmapānvite

ojasvī sāhasī dhūrtaścaturaṅgabalānvitaḥ/
yat‌kiñcid‌ grāmanāthaśca kāhale jāyate naraḥ

lagneśe tuṅgage kendre gurudṛṣṭe tu cāmaraḥ/
śubhadvaye vilagne vā navame daśame made

rājā vā rājapujyo vā cirajīvī ca paṇḍitaḥ/
vāgmī sarvakalāvid‌ vā cāmare jāyate janaḥ

savale lagnape putraṣaṣṭhapau kendragau mithaḥ/
śaṃkho vā lagnakarmeśau care balini bhāgyape

dhanastrīputrasaṃyukto dayāluḥ puṇyavān‌ sudhīḥ/
puṇyakarmā cirañjīvī śaṃkhayogod‌bhavo naraḥ

sabale bhāgyape bherī khagaiḥ svāntyodayāstagaiḥ/
sabale bhāgyape vā'sau kendre śukrejyalagnapaiḥ

dhanastrīputrasaṃyukto bhūpaḥ kīrtiguṇānvitaḥ/
ācāravān‌ sukhī bhogī bherīyoge jano bhavet‌

sabale lagnape kheṭāḥ kendre koṇe svabhoccagāḥ/
mṛgaṅgayogo jāto'tra bhūpo vā tatsamaḥ sukhī

kemeśe karmage tuṅge karmeśe bhāgyapānvite/
yogaḥ śrīnāthasaṃjño'tra jātaḥ śukrasamo nṛpaḥ

karmeśe sutage kendre budhe'rke sabale svabhe/
candrāt‌ koṇe gurau jñe vā kuje lābhe ca śāradaḥ

dhanastrīputrasaṃyuktaḥ sukhī vidvān‌ nṛpapriyaḥ/
tapasvī dharmasaṃyuktaḥ śārade jāyate janaḥ

dharmalagnagate saumye pañcame sadasadyute/
pāpe ca caturasrasthe yogo'yaṃ matsyasaṃjñakaḥ

kālajñaḥ karuṇāmūrtirguṇadhībalarūpavān‌/
yaśovidyātapasvī ca matsyayoge hi jāyate

putrārimadagāḥ saumyāḥ svabhoccasuhṛdaṃśagāḥ/
trilābhodayagāḥ pāpāḥ kūrmayogaḥ svabhoccagāḥ

kūrmayoge jano bhūpo dhīro dharmaguṇānvitaḥ/
kīrtimānupakārī ca sukhī mānavanāyakaḥ

bhāgyeśe dhanabhāvāsthe dhaneśe bhāgyabhāvage/
lagneśe kendrakoṇasthe khaḍ‌gayogaḥ sa kathyate

khaḍ‌gayoge samutpanno dhanabhāgyasukhānvitaḥ/
śāstrajño buddhivīryāḍh‌yaḥ kṛtajñaḥ kuśalo naraḥ

kendre mūlatrikoṇaste bhāgyeśe vā svabhoccage/
lagnādhipe balāḍh‌ye ca lakṣmīyogaḥ prakīrtyate

surūpo guṇavān‌ bhūpo bahuputradhanānvitaḥ/
yaśasvī dharmasampanno lakṣmīyoge jano bhavet‌

lagne sthire bhṛgau kendre candrakoṇe śabhānvite/
mānasthānagate saure yogo'yaṃ kusumābhidhaḥ

bhūpo vā bhūpatulyo vā datā bhogī sukhī janaḥ/
kulamukhyo guṇī vidvān‌ jāyate kusumāhvaye

dvitīye pañcame jīve budhaśukrayutekṣite/
kṣatre tayorvā samprapte yogaḥ sa ca kalānidhiḥ

kalānidhisamutpanno guṇavān‌ bhūpavanditaḥ/
rogahīnaḥ sukhī jāto dhanavidyāsamanvitaḥ

lagneśatad‌gatarkṣeśatad‌gatarkṣeśatadaṃśapāḥ/
kendre koṇe svatuṅge vā yogaḥ kalpadrumo mataḥ

sarvaiśvaryayuto bhūpo dharmātmā balasaṃyutaḥ/
yuddhapriyo dayāluśca pārijāte naro bhavet‌

svāntyāṣṭasthairdvitīyeśād‌ hariyogaḥ śubhagrahaiḥ/
kāmeśād‌ bandhudharmāṣṭasthitaiḥ saumyairharābhidhaḥ

lagneśād‌ bandhukarmāyasthitairbrahmāhvayaḥ smṛtaḥ/
eṣu jātaḥ sukhī vidvān‌ dhanaputrādisaṃyutaḥ

lagnānmadāṣṭagaiḥ saumyaiḥ pāpadṛg‌yogavarjitaiḥ/
yogo lagnādhiyogo'smin‌ mahātmā śāstravit‌ sukhī

lagnape pārijātasthe sukhī vargottame hyaruk‌/
gopure dhanadhānyāḍh‌yā bhūpaḥ siṃhāsane sthite

vidvān‌ pārāvate śrīmān‌ devaloke savāhanaḥ/
airāvatasthite jāto vikhyāto bhūpavanditaḥ