બૃહત્પારાશરહોરાશાસ્ત્રમ્ · અધ્યાય 36

અથ વિવિધયોગાધ્યાયઃ

લગ્ને શુભયુતે યોગઃ શુભઃ પાપયુતેઽશુભઃ।
વ્યયસ્વગૈઃ શુભૈઃ પાપૈઃ ક્રમાદ્યોગૌ શુભાઽશુભૌ

શુભયોગોદ્‌ભવો વાગ્મી રૂપશીલગુણવન્વિતઃ।
પાપયોગોદ્‌ભવઃ કામી પાપકર્મા પરાર્થયુક્‌

કેન્દ્રે દેવગુરૌ લગ્નાચ્ચન્દ્રાદ્વા શુભદૃગ્‌યુતે।
નીચાસ્તારિગૃહૈર્હીને યોગોઽયં ગજકેસરી

ગજકેસરીસઞ્જાતસ્તેજસ્વી ધનવાન્‌ ભવેત્‌।
મેધાવી ગુણસમ્પન્નો રાજપ્રિયકરો નરઃ

દશમેઽઙ્ગાત્તથા ચન્દ્રાત્‌ કેવલૈશ્ચ શુભૈર્યુતે।
સ યોગોઽમલકીત્ર્ત્યાખ્યઃ કીર્તિરાચન્દ્રતારકી

રાજપૂજ્યે મહાભોગી દાતા બન્ધુજનપ્રિયઃ।
પરોપકારી ધર્માત્મા ગુણઢ્‌યોઽમલકીર્તિજઃ

સપ્તમે ચાઽષ્ટમે શુદ્ધે શુભગ્રહયુતેઽથવા।
કેન્દ્રેષુ શુભયુક્તેષુ યોગઃ પર્વતસંજ્ઞકઃ

ભાગ્યવાન્‌ પર્વતોત્પન્નઃ વાગ્મી દાતા ચ શાસ્ત્રવિત્‌।
હાસ્યપ્રિયો યશસ્વી ચ તેજસ્વી પુરનાયકઃ

સુખેશેજ્યૌ મિથઃ કેન્દ્રગતૌ બલિનિ લગ્નપે।
કાહલો વા સ્વભોચ્ચસ્થે સુખેશે કર્મપાન્વિતે

ઓજસ્વી સાહસી ધૂર્તશ્ચતુરઙ્ગબલાન્વિતઃ।
યત્‌કિઞ્ચિદ્‌ ગ્રામનાથશ્ચ કાહલે જાયતે નરઃ

લગ્નેશે તુઙ્ગગે કેન્દ્રે ગુરુદૃષ્ટે તુ ચામરઃ।
શુભદ્વયે વિલગ્ને વા નવમે દશમે મદે

રાજા વા રાજપુજ્યો વા ચિરજીવી ચ પણ્ડિતઃ।
વાગ્મી સર્વકલાવિદ્‌ વા ચામરે જાયતે જનઃ

સવલે લગ્નપે પુત્રષષ્ઠપૌ કેન્દ્રગૌ મિથઃ।
શંખો વા લગ્નકર્મેશૌ ચરે બલિનિ ભાગ્યપે

ધનસ્ત્રીપુત્રસંયુક્તો દયાલુઃ પુણ્યવાન્‌ સુધીઃ।
પુણ્યકર્મા ચિરઞ્જીવી શંખયોગોદ્‌ભવો નરઃ

સબલે ભાગ્યપે ભેરી ખગૈઃ સ્વાન્ત્યોદયાસ્તગૈઃ।
સબલે ભાગ્યપે વાઽસૌ કેન્દ્રે શુક્રેજ્યલગ્નપૈઃ

ધનસ્ત્રીપુત્રસંયુક્તો ભૂપઃ કીર્તિગુણાન્વિતઃ।
આચારવાન્‌ સુખી ભોગી ભેરીયોગે જનો ભવેત્‌

સબલે લગ્નપે ખેટાઃ કેન્દ્રે કોણે સ્વભોચ્ચગાઃ।
મૃગઙ્ગયોગો જાતોઽત્ર ભૂપો વા તત્સમઃ સુખી

કેમેશે કર્મગે તુઙ્ગે કર્મેશે ભાગ્યપાન્વિતે।
યોગઃ શ્રીનાથસંજ્ઞોઽત્ર જાતઃ શુક્રસમો નૃપઃ

કર્મેશે સુતગે કેન્દ્રે બુધેઽર્કે સબલે સ્વભે।
ચન્દ્રાત્‌ કોણે ગુરૌ જ્ઞે વા કુજે લાભે ચ શારદઃ

ધનસ્ત્રીપુત્રસંયુક્તઃ સુખી વિદ્વાન્‌ નૃપપ્રિયઃ।
તપસ્વી ધર્મસંયુક્તઃ શારદે જાયતે જનઃ

ધર્મલગ્નગતે સૌમ્યે પઞ્ચમે સદસદ્યુતે।
પાપે ચ ચતુરસ્રસ્થે યોગોઽયં મત્સ્યસંજ્ઞકઃ

કાલજ્ઞઃ કરુણામૂર્તિર્ગુણધીબલરૂપવાન્‌।
યશોવિદ્યાતપસ્વી ચ મત્સ્યયોગે હિ જાયતે

પુત્રારિમદગાઃ સૌમ્યાઃ સ્વભોચ્ચસુહૃદંશગાઃ।
ત્રિલાભોદયગાઃ પાપાઃ કૂર્મયોગઃ સ્વભોચ્ચગાઃ

કૂર્મયોગે જનો ભૂપો ધીરો ધર્મગુણાન્વિતઃ।
કીર્તિમાનુપકારી ચ સુખી માનવનાયકઃ

ભાગ્યેશે ધનભાવાસ્થે ધનેશે ભાગ્યભાવગે।
લગ્નેશે કેન્દ્રકોણસ્થે ખડ્‌ગયોગઃ સ કથ્યતે

ખડ્‌ગયોગે સમુત્પન્નો ધનભાગ્યસુખાન્વિતઃ।
શાસ્ત્રજ્ઞો બુદ્ધિવીર્યાઢ્‌યઃ કૃતજ્ઞઃ કુશલો નરઃ

કેન્દ્રે મૂલત્રિકોણસ્તે ભાગ્યેશે વા સ્વભોચ્ચગે।
લગ્નાધિપે બલાઢ્‌યે ચ લક્ષ્મીયોગઃ પ્રકીર્ત્યતે

સુરૂપો ગુણવાન્‌ ભૂપો બહુપુત્રધનાન્વિતઃ।
યશસ્વી ધર્મસમ્પન્નો લક્ષ્મીયોગે જનો ભવેત્‌

લગ્ને સ્થિરે ભૃગૌ કેન્દ્રે ચન્દ્રકોણે શભાન્વિતે।
માનસ્થાનગતે સૌરે યોગોઽયં કુસુમાભિધઃ

ભૂપો વા ભૂપતુલ્યો વા દતા ભોગી સુખી જનઃ।
કુલમુખ્યો ગુણી વિદ્વાન્‌ જાયતે કુસુમાહ્વયે

દ્વિતીયે પઞ્ચમે જીવે બુધશુક્રયુતેક્ષિતે।
ક્ષત્રે તયોર્વા સમ્પ્રપ્તે યોગઃ સ ચ કલાનિધિઃ

કલાનિધિસમુત્પન્નો ગુણવાન્‌ ભૂપવન્દિતઃ।
રોગહીનઃ સુખી જાતો ધનવિદ્યાસમન્વિતઃ

લગ્નેશતદ્‌ગતર્ક્ષેશતદ્‌ગતર્ક્ષેશતદંશપાઃ।
કેન્દ્રે કોણે સ્વતુઙ્ગે વા યોગઃ કલ્પદ્રુમો મતઃ

સર્વૈશ્વર્યયુતો ભૂપો ધર્માત્મા બલસંયુતઃ।
યુદ્ધપ્રિયો દયાલુશ્ચ પારિજાતે નરો ભવેત્‌

સ્વાન્ત્યાષ્ટસ્થૈર્દ્વિતીયેશાદ્‌ હરિયોગઃ શુભગ્રહૈઃ।
કામેશાદ્‌ બન્ધુધર્માષ્ટસ્થિતૈઃ સૌમ્યૈર્હરાભિધઃ

લગ્નેશાદ્‌ બન્ધુકર્માયસ્થિતૈર્બ્રહ્માહ્વયઃ સ્મૃતઃ।
એષુ જાતઃ સુખી વિદ્વાન્‌ ધનપુત્રાદિસંયુતઃ

લગ્નાન્મદાષ્ટગૈઃ સૌમ્યૈઃ પાપદૃગ્‌યોગવર્જિતૈઃ।
યોગો લગ્નાધિયોગોઽસ્મિન્‌ મહાત્મા શાસ્ત્રવિત્‌ સુખી

લગ્નપે પારિજાતસ્થે સુખી વર્ગોત્તમે હ્યરુક્‌।
ગોપુરે ધનધાન્યાઢ્‌યા ભૂપઃ સિંહાસને સ્થિતે

વિદ્વાન્‌ પારાવતે શ્રીમાન્‌ દેવલોકે સવાહનઃ।
ઐરાવતસ્થિતે જાતો વિખ્યાતો ભૂપવન્દિતઃ