બૃહત્પારાશરહોરાશાસ્ત્રમ્ · અધ્યાય 34

અથ યોગકારકાધ્યાયઃ

કારકાંશવશાદેવં ફલં પ્રોક્તં મયા દ્વિજ।
અથ ભાવાધિપત્યેન ગ્રહયોગફલં સ્રૃણુ

કેન્દ્રાધિપતયઃ સૌમ્યા ના દિશન્તિ શુભં ફલમ્‌।
ક્રૂરા નૈવાઽશુભં કુર્યુઃ શુભદાશ્ચ ત્રિકોણપાઃ

લગ્નં કેન્દ્રત્રિકોણત્વાદ્‌ વિશેષેણ શુભપ્રદમ્‌।
પઞ્ચમં નવમં ચૈવ વિશેષધનમુચ્યતે

સપ્તમં દશમં ચૈવ વિશેષસુખમુચ્યતે।
ત્રિષડાયાધિપાઃ સર્વે ગ્રહાઃ પાપફલાઃ સ્મૃતાઃ

વ્યયદ્વિતીયરન્ધ્રેશાઃ સાહચર્યાત્‌ ફલપ્રદાઃ।
સ્થાનાન્તરાનુરોધાત્તે પ્રબલાશ્ચોત્તરોત્તરમ્‌

તત્ર ભાગ્યવ્યયેશત્વાદ્રન્ધ્રેશો ન શુભપ્રદઃ।
ત્રિમદાયાધિપત્વેઽથો કોણપત્વે તુ સત્ફલઃ

ઉક્તેષ્વેષુ બલી યોગો નિર્બલસ્ય પ્રબાધકઃ।
ન રન્ધ્રેશત્વદોષોઽત્ર સૂર્યાચન્દ્રમસોર્ભવેત્‌

ગુરુશુક્રૌ શુભૌ પ્રોક્તૌ ચન્દ્રો મધ્યમ ઉચ્યતે।
ઉદાસીનો બુધઃ ખ્યાતઃ પાપા રવ્યાર્કિભૂમિજાઃ

પૂર્ણેન્દુજ્ઞેજ્યશુક્રાશ્ચ પ્રબલા ઉત્તરોત્તરમ્‌।
ક્ષીણેન્દ્વર્કાર્કિભૂપુત્રાઃ પ્રબલાશ્ચ યથોત્તરમ્‌

કેન્દ્રાધિપત્યદોષોયઃ શુભાનાં કથિતો હિ સઃ।
ચન્દ્રજ્ઞગુરુશુક્રાણાં પ્રબલાશ્ચોત્તરોત્તરમ્‌

કેન્દ્રકોણપતી સ્યાતાં પરસ્પરગૃહોપગૌ।
એકભે દ્વૌ સ્થિતૌ વાપિ હ્યેકભેઽન્યતરઃ સ્થિતઃ

પૂર્ણદૃષ્ટ્‌યેક્ષિતૌ વાપિ મિથો યોગકારૌ તદા।
યોગેઽસ્મિન્‌ જાયતે ભૂપો વિખ્યાતો વા જનો ભવેત્‌

કોણેશત્વે યદૈકસ્ય કેન્દ્રેશત્વં ચ જાયતે।
કેન્દ્રે કોણે સ્થિતો વાઽસૌ વિશેષાદ્યોગકારકઃ

કેન્દ્રેશત્વેન પાપાનાં યા પ્રોક્તા શુભકારિતા।
સા ત્રિકોણાધિપત્યેઽપિ ન કેન્દ્રેશત્વમાત્રતઃ

કેન્દ્રકોણાધિપાવેવ પાપસ્થાનાધિપૌ યદા।
તયોઃ સમ્બન્ધમાત્રેણ ન યોગં લભતે નરઃ

યદ્‌ભાવેશયુતૌ વાપિ યદ્યદ્‌ભાવસમાગતૌ।
તત્તત્ફલાનિ પ્રબલૌ પ્રદિશેતાં તમોપ્રહૌ

યદિ કેન્દ્રે ત્રિકોણે વા નિવસેતાં તમોગ્રહૌ।
નાથેનાત્યતરેણાઢ્‌યૌ દૃષ્ટૌ વા યોગકારકૌ

કસ્મિલ્લગ્ને પ્રજાતસ્ય કે ગ્રહા યોગકારકાઃ।
કે ચાઽશુભપ્રદાઃ ખેટાઃ કૃપયા વદે મે મુને

યથા પૃષ્ટં ત્વયા વિપ્ર તથોદાહરણં બ્રુવે।
રન્ધ્રેશત્વેઽપિ ભૂપુત્રો ભવેચ્છૂભસહાયવાન્‌

મન્દસૌમ્યસિતાઃ પાપાઃ શુભૌ ગુરુદિવાકરૌ।
ન શુભં યોગમત્રેણ પ્રભવેચ્છનિજીવયોઃ

પારતન્ત્ર્યેણ જીવસ્ય પાપકર્માપિ નિશ્ચિતમ્‌।
શુક્રઃ સાક્ષાન્નિહન્તા સ્યાન્મારકત્વેન લક્ષિતઃ

મન્દાદયોઽપિ હન્તારો ભવેયુઃ પાપિનો ગ્રહાઃ।
મેષલગ્નોદ્‌ભવસ્યૈવં ફલં જ્ઞેયં દ્વિજોત્તમ

જીવશુક્રેન્દવઃ પાપાઃ શુભૌ શનિદિવાકરૌ।
રાજયોગકરઃ સૌરિર્બુધસ્ત્વલ્પશુભપ્રદઃ

જીવાદયો કુજશ્ચાપિ સન્તિ મારકલક્ષણાઃ।
વૃષલગ્નોદ્‌ભવસ્યૈવં ફલાન્યૂહ્યાનિ સૂરિભિઃ

ભૌમજીવારુણાઃ પાપાઃ એક એવ કવિઃ સુભઃ।
શનૈશ્ચરણે જીવસ્ય યોગો મેષભવો યથા

શશી મુખનિહન્તાઽસૌ સાહચર્યાચ્ચ પાકદઃ।
દ્વન્દ્વલગ્નોદ્‌ભવસ્યૈવં ફલાન્યૂહ્યાનિ પંડિતૈઃ

ભાર્ગવેન્દુસુતૌ પાપૌ ભૂસુતેજ્યેન્દવઃ શુભાઃ।
પૂર્ણયોગકરઃ સાક્ષાન્મંગલો મંગલપ્રદઃ

નિહન્તાઽર્કસુતોઽર્કસ્તુ સાહચર્યાત્‌ ફલપ્રદઃ।
કર્કલગ્નોદ્‌ભવસ્યૈવં ફલં પ્રોક્તં મનીષિભિઃ

સૌમ્યશુક્રાર્કજાઃ પાપાઃ કુજેજ્યાર્કાઃ શુભાવહાઃ।
પ્રભવેદ્યોગમાત્રેણ ન શુભં ગુરુશુક્રયોઃ

મારકસ્તુ શનિશ્ચન્દ્રઃ સાહચર્યાત્‌ ફલપ્રદઃ।
સિંહલગ્ને પ્રજાતસ્ય ફલં જ્ઞેયં વિપશ્ચિતા

કુજજીવેન્દવઃ પાપાઃ બુધશુક્રૌ શુભાવહૌ।
ભાર્ગવેન્દુસુતાવેવ ભવેતાં યોગકારકૌ

મારકોઽપિ કવિઃ સૂર્યઃ સાહચર્યફલપ્રદઃ।
કન્યાલગ્નોદ્‌ભવસ્યૈવં ફલાન્યૂહ્યાનિ સૂરિભિઃ

જીવાર્કભૂસુતાઃ પાપાઃ શનૈશ્ચરબુધૌ શુભૌ।
ભવેતાં રાજયોગસ્ય કારકૌ ચન્દ્રતત્સુતૌ

કુજો નિહન્તિ જીવાદ્યાઃ પાપા મારકલક્ષણાઃ।
શુક્રઃ સમઃ ફલાન્યેવં વિજ્ઞેયાનિ તુલોદ્‌ભવે

સિતજ્ઞશનયઃ પાપાઃ શુભૌ ગુરુનિશાકરૌ।
સૂર્યાચન્દ્રમસાવેવ ભવેતાં યોગકારકૌ

કુજઃ સમઃ સિતાદ્યાશ્ચ પાપા મારકલક્ષણાઃ।
એવં ફલં ચ વિજ્ઞેયં વૃશ્ચિકોદયજન્મનઃ

એક એવ કવિઃ પાપઃ શુભૌ ભૌમદિવાકરૌ।
યોગો ભાસ્કરસૌમ્યાભ્યાં નિહન્તા ભાસ્કરાત્મજઃ

ગુરુઃ સમફલઃ ખ્યાતઃ શુક્રો મારકલક્ષણઃ।
ધનુર્લગ્નોદ્‌ભવસ્યૈવં ફલં જ્ઞેયં વિપશ્ચિતા

કુજજીવેન્દવઃ પાપાઃ શુભૌ ભાર્ગવચન્દ્રજૌ।
મન્દઃ સ્વયં ન હન્તા સ્યાદ્‌ હન્તિ પાપાઃ કુજાદયઃ

સૂર્યઃ સમફલઃ પ્રોક્તઃ કવિરેકઃ સુયોગકૃત્‌।
મૃગલગ્નોદ્‌ભવસ્યૈવં ફલાન્યૂહ્યાનિ સૂરિભિઃ

જીવચન્દ્રકુજાઃ પાપાઃ શુક્રસૂર્યાત્મજૌ શુભૌ।
રાજયોગકરો જ્ઞેજઃ કવિરેવ બૃહસ્પતિઃ

સૂર્યો ભૌમશ્ચ હન્તારો બુધો મધ્યફલઃ સ્મૃતઃ।
કુમ્ભલગ્નોદ્‌ ભવસ્યૈવં ફલાન્યૂહ્યાનિ સૂરિભિઃ

મન્દશુક્રાંશુમત્સૌમ્યાઃ પાપા ભૌમવિધૂ શુભૌ।
મહીસુતગુરૂ યોગકારકૌ ચ મહીસુતઃ

મારકોઽપિ ન હન્તાઽસૌ મન્દજ્ઞૌ મારકૌ સ્મૃતૌ।
મીનલગ્નોદ્‌ ભવસ્યૈવં ફલાનિ પરિચિન્તયેત્‌

એવં ભાવાધિપત્યેન જન્મલગ્નવશાદિહ।
શુભત્વમશુભત્વ ચ ગ્રહાણાં પ્રતિપાદિતમ્‌

અત્યાનપિ પુનર્યોગાન્‌ નાભસાદીન્‌ વિચિન્ત્ય વૈ।
દેહિના ચ ફલં વાચ્યં પ્રવક્ષ્યામિ ચ તાનહમ્‌