Brihat Parashara Hora Shastra · Chapter 25

athā'prakāśagrahaphalādhyāyaḥ

ravyādisaptakheṭānāṃ proktaṃ bhāvaphalaṃ mayā/
aprakāśagrahāṇāṃ ca phalāni kathayāmyaham‌

śūro vimalanetrāṃśaḥ sustabdho nirghṛṇaḥ khalaḥ/
mūrtisthe dhūmasaṃjñe ca gāḍharoṣo naraḥ sadā

rogī dhanī tu hīnāṅgo rājyāpahṛtamānasaḥ/
dhūme dvitīye saṃprāpte mandaprajño napuṃsakaḥ

matimān‌ śauryasampanna iṣṭacitaḥ priyaṃvadaḥ/
dhūme sahajabhāvasthe janāḍh‌yo dhanavān‌ bhavet‌

kalatrāṅgaparityakto nityaṃ manasi duḥkhitaḥ/
dhūme caturthe samprāpte sarvaśāstrārthacintakaḥ

svalpāpatyo dhanairhīno dhūme pañcamasaṃsthite/
guruta sarvabhakṣaṃ ca suhṛnmantravivarjitaḥ

balavāñchatruvadhako dhūme ca ripubhāvage/
bahutejoyutaḥ khyātaḥ sadā rogavivarjitaḥ

nirdhanaḥ satataṃ kāmī paradāreṣu kovidaḥ/
dhūme saptamage jāto nistejāḥ sarvadā bhavet‌

vikrameṇa parityaktaḥ sotsāho satyasaṅgaraḥ/
apriyo niṣṭhuraḥ svārthī dhūme mṛtyugate sati

sutasaubhāgyasampanno dhanī mānī dayānvitaḥ/
dharmasthāne sthite dhūme dharmavān‌ bandhuvatsalaḥ

sutasaubhāgyasaṃyuktaḥ santoṣī matimān‌ sukhī/
karmasthe mānavo nityaṃ dhūme satyapadasthitaḥ

dhanadhānyahiraṇyāḍhyo rūpavāṃśca kalānvitaḥ/
dhūme lābhagate caiva vinīto gītakovidaḥ

patitaḥ pāpakarmā ca dhūme dvādaśasaṅgate/
paradāreṣu saṃsakto vyasanī nirghṛṇaḥ śaṭhaḥ

lagne pāte ca samprāpte jātako duḥkhīpīḍitaḥ/
krūro ghātakaro mūrkho dveṣī bandhujanasya ca

jihmo'tipittavān‌ bhogī dhanasthe pātasaṃjñake/
nirghṛṇaścā'kṛtajñaśca duṣṭātmā pāpakṛttathā

sthiraprajño raṇī dātā dhanāḍh‌yo rājavallabhaḥ/
samprāpte sahaje pāte senādhīśo bhavennaraḥ

bandhavyādhisamāyuktaḥ sutasaubhāgyavarjitaḥ/
caturthago yadā pātastadā syānmanujaśca saḥ

daridro rūpasaṃyuktaḥ pāte pañcamage sati/
kaphapittānilairyukto niṣṭhuro nirapatrapaḥ

śatruhantā supuṣṭaśca sarvāstrāṇāṃ ca cālakaḥ/
kalāsu nipuṇaḥ śāntaḥ pāte śatrugate sati

dhanadārasutaistyaktaḥ strījito duḥkhasaṃyutaḥ/
pāte kalatrage kāmī nirlajjaḥ parasauhṛdaḥ

vikalākṣo virūpaśca durbhago dvijanindakaḥ/
mṛtyusthāne sthite pāte raktapīḍāpariplutaḥ

bahuvyāpārako nityaṃ bahumitro bahuśrutaḥ/
dharmabhe pātakheṭe ca strīpriyaśca priyaṃvadaḥ

saśrīko dharmakṛchānto dharmakāryeṣu kovidaḥ/
karmasthe pātasaṃjñe hi mahāprājño vicakṣaṇaḥ

prabhūtadhanavān‌ mānī satyavādī dṛḍhavrataḥ/
aśvaḍhyo gītasaṃsaktaḥ pāte lābhagate sati

kopī ca bahukarmāḍhayo vyaṃgo dharmasya dūṣakaḥ/
vyayasthāne gate pāte vidveṣī nijabandhuṣu

vidvān‌ satyarataḥ śānto dhanavān‌ putravāñchuciḥ/
paridho tanuge dātā jāyate guruvatsalaḥ

īśvaro rūpavān‌ bhogī sukhī dharmaparāyaṇaḥ/
dhanasthe paridhau jātaḥ prabhurbhavati mānavaḥ

strīvallabhaḥ surūpāṃgo devasvajanasaṃgataḥ/
tṛtīye paridhau bhṛtyo gurubhaktisamanvitaḥ

paridhau sukhabhāvasthe vismitaṃ tvarimaṃgalam‌/
akrūraṃ tvatha sampūrṇaṃ kurute gītakovidam‌

lakṣmīvān‌ śīlavān‌ kāntaḥ priyavān‌ dharmavatsalaḥ/
pañcame paridhau jātaḥ strīṇāṃ bhavati vallabhaḥ

vyakto'rthaputravān‌ bhogī sarvasattvahite rataḥ/
paridhau ripubhāvasthe śatruhā jāyate naraḥ

svalpāpatyaḥ sukhairhīno mandaprajñaḥ suniṣṭhuraḥ/
paridhau dyūnabhāvasthe strīṇāṃ vyādhiśca jāyate

adhyātmacintakaḥ śānto dṛḍhakāyo dṛḍhavrataḥ/
dharmavāṃśca sasattvaśca paridhau randhrasaṃsthite

putrānvitaḥ sukhī kānto dhanāḍhayo laulyavarjitaḥ/
paridhau dharmage mānī svalpasantuṣṭamānasaḥ

kalābhijñastathā bhogī dṛḍhakāyo hyamatsaraḥ/
paridhau daśame prāpte sarvaśāstrārthapāragaḥ

strībhogī guṇavāṃścaiva matimān‌ svajanapriyaḥ/
lābhage paridhau jāto mandāgnirūpapadyate

vyayaste paridhau jāto vyayakṛt‌ mānavaḥ sadā/
duḥkhabhāg‌ duṣṭabuddhiśca gurunindāparāyaṇaḥ

dhanadhānyahiraṇyāḍhyaḥ kṛtajñaḥ sammataḥ satām‌/
sarvadoṣaparityaktaścāpe tanugate naraḥ

priyaṃvadaḥ prgalbhāḍhyo vinīto vidyayā'nvitaḥ/
dhanasthe cāpakheṭe ca rūpavān‌ dharmatatparaḥ

kṛpaṇo'tikalābhijñaścauryakarmarataḥ sadā/
sahaje dhanuṣi prāpte hīnāṅgo gatasauhṛdaḥ

sukhī godhanadhānyādyai rājasanmānapūjitaḥ/
kārmuke sukhasaṃsthe tu nīrogo tanu jāyate

rucimān‌ dīrghadarśo ca devabhaktaḥ priyaṃvadaḥ/
cāpe pañcamage jāto vivṛddhaḥ sarvakarmasu

śatruhantā'tidhartaśca sukhī prītiruciḥ śuciḥ/
ṣaṣṭhasthānagate cāpe sarvakarmasamṛddhibhāk‌

īśvaro guṇasampūrṇaḥ śāstrabiddhārbhikaḥ priyaḥ/
cāpe saptamabhāvasthe bhavatīti na saṃśayaḥ

parakarmarataḥ krūraḥ paradāraparāyaṇaḥ/
aṣṭamasthānagate cāpe jāyate vikalāṃgakaḥ

tapasvī vratacaryāsu nirato vidyayā'dhikaḥ/
dharmasthe jāyate cāpe mānavo lokaviśrutaḥ

bahuputradhanaiśvaryo gomahiṣyādimān‌ bhavet‌/
karmabhe cāpasaṃyukte jāyate lokaviśrutaḥ

lābhage capakheṭe ca lābhayukto bhavennaraḥ/
nirogo dṛḍhakopāgnirmantrastrīparamāstravit‌

khalo'timānī durbuddhirnirlajjo vyayasaṃsthite/
cāpe parastrīsaṃyukto jāyate nirdhanaḥ sadā

kuśalaḥ sarvavidyāsu sukhī vāṅ‌nipunaḥ priyaḥ/
tanau śikhini sañjātaḥ sarvakāmānvito bhavet‌

vaktā priyaṃvadaḥ kānto dhanasthānagate dhvaje/
kāvyakṛt‌ paṇḍito mānī vinīto vāhanānvitaḥ

kadaryaḥ krūrakartā ca kṛśāṅgo dhanavarjitaḥ/
sahajasthe tu śikhini tīvrarogī prajāyate

rūpavān‌ guṇasampannaḥ sāttviko'pi srutipriyaḥ/
sukhasaṃsthe tu śikhini sadā bhavati saukhyabhāk‌

sukhī bhogī kalāvicca pañcamasthānage dhvaje/
yuktijño matimān‌ vāgmī gurubhaktisamanvitaḥ

mātṛpakṣakṣayakaraḥ śatruhā bahuvāndhavaḥ/
ripusthāne dhvaje prāpte śūraḥ kānto vicakṣaṇaḥ

dyūtakrīḍāṣvabhirataḥ kāmī bhogasamanvitaḥ/
dhvaje tu saptamasthāge veśyāsu kṛtasauhṛdaḥ

nīcakarmarataḥ pāpo nirlajjo nindakaḥ sadā/
mṛtyusthāne dhvaje prāpte gatastryaparapakṣakaḥ

liṅgadhārī prasannātmā sarvabhūtahite rataḥ/
dharmabhe śikhini prāpte dharmakāryeṣu kovidaḥ

sukhasaubhāgyasampannaḥ kāminīnāṃ ca vallabhaḥ/
dātā dvijaiḥ samāyuktaḥ karmasthe śikhini dvija

nityalābhaḥ sudharmī ca lābhe śikhini pūjitaḥ/
dhanāḍhyaḥ subhagaḥ śūraḥ suyajñaścāti kovidaḥ

pāpakarmarataḥ śūraḥ śraddhāhīno'ghṛṇo naraḥ/
paradārarato raudraḥ śikhini vyayage sati

rogārttaḥ satataṃ kāmī pāpātmādhigataḥ śaṭhaḥ/
tanusthe gulike jātaḥ khalabhāvo'tiduḥkhitaḥ

vikṛto duḥkhitaḥ kṣudro vyasanī ca gatatrapaḥ/
dhanasthe gulike jāto niḥsvo bhavati mānavaḥ

cārvaṅgo grāmapaḥ puṇyasaṃyuktaḥ sajjanapriyaḥ/
sahaje gulike jāto mānavo rājapūjitaḥ

rogī sukhaparityaktaḥ sadā bhavati pāpakṛt‌/
gulike sukhabhāvasthe vātapittādhiko bhavet‌

vistutirvidhano'lpāyurdveṣī kṣudro napuṃsakaḥ/
gulike sutabhāvasthe strījito nāstiko bhavet‌

vītaśatruḥ supuṣṭāṅgo ripusthāne yamātmaje/
sudīptaḥ sammataḥ strīṇāṃ sotsāhaḥ sudṛḍho hitaḥ

strījitaḥ pāpakṛjjāraḥ kṛśāṅgo gatasauhṛdaḥ/
jīvitaḥ strīdhanenaiva gulike saptamasthite

kṣudhālurduḥkhita krūrastīkṣṇaroṣo'tinirghṛṇaḥ/
randhrage gulike niḥsvo jāyate guṇavarjitaḥ

bahukleśaḥ kṛśatanurduṣṭakarmātinirghṛṇaḥ/
gulike dharmage mandaḥ piśuno bahirākṛtiḥ

putrānvitaḥ sukhī bhoktā devāgnyarcanavatsalaḥ/
daśame gulike jāto yogadharmāśritaḥ sukhī

sustrībhogī prajādhyakṣo bandhūnāṃ ca hite rataḥ/
lābhasthe gulike jāto nīcāṅga sārvabhaumakaḥ

nīcakarmāśtitaḥ pāpo hīnāṅgo durbhago'lasaḥ/
vyayage gulike jāto nīceṣu kurute ratim‌

lagne prāṇapade kṣaṇo rogi bhavati mānavaḥ/
mūkonmatto jaḍāṅgastu hīnāṅgo duḥkhita kṛśaḥ

bahudhānyo bahudhano bahubhṛtyo bahuprajaḥ/
dhanasthānasthite prāṇe subhago jayate naraḥ

hiṃsro garvasamāyukto niṣṭhuro'timalimlucaḥ/
tṛtīyage prāṇapade gurubhaktivivarjitaḥ

sukhasthe tu sukhī kāntaḥ suhṛdramāsu vallabhaḥ/
gurau parāyaṇaḥ śītaḥ prāṇe vai satyatatparaḥ

sukhibhāk‌ sukriyopetastvapacāradayānvitaḥ/
pañcamasthe prāṇapade sarvakāmasamanvitaḥ

bandhuśatruvaśastīkṣṇo mandāgnirnirdayaḥ khalaḥ/
ṣaṣṭhe prāṇapade rogī vittapo'lpāyureva ca

īrṣyālu satataṃ kāmī tīvraraudravapurnaraḥ/
saptamasthe prāṇapade durārādhyaḥ kubuddhimān‌

rogasantāpitāṅgaśca prāṇapade'ṣṭame sati/
pīḍitaḥ pārthivairduḥkhairmṛtyabandhusutod‌bhavaiḥ

putravān‌ dhanasampannaḥ subhagaḥ priyadarśanaḥ/
prāṇe dharmasthite bhṛtyaḥ sadā'duṣṭo vicakṣaṇaḥ

vīryavān‌ matimān‌ dakṣo nṛpakāryeṣu kovidaḥ/
daśame vai prāṇapade devārcanaparāyaṇaḥ

vikhyāto guṇavān‌ prājño bhogīdha nasamanvitaḥ/
lābhasthānasthite prāṇe gaurāṅgo mātṛvatsalaḥ

kṣudro duṣṭastu hīnāṅgo vidveśī dvijabandhuṣu/
vyaye prāṇe netrarogī kāṇo vā jāyate naraḥ

ityaprakāśakheṭānāṃ phalānyuktāni bhūsura/
tathā yāni prakāśānāṃ sūryādīnāṃ khacāriṇām‌

tāni sthitivaśātteṣāṃ sphuṭadṛṣṭivaśāt‌ tathā/
balā'balavivekena vaktavyāni śarīriṇām‌

taḥ/
manasvī guṇavān‌ vāgmī satyadharmarataḥ sadā

karmeśe randhrabhāvasthe karmahīno bhavennaraḥ/
dīrghāyurapyasau jātaḥ paranindāparāyaṇaḥ

rājyeśe bhāgyabhe jāto rājā rājakulod‌bhavaḥ/
tatsamo'nyakulotpanno dhanaputrādisaṃyutaḥ

karmeśe rājyabhāvasthe sarvakarmapaṭuḥ sukhī/
vikramī satyavaktā ca gurubhaktirato naraḥ

rājyeśe lābhabhāvasthe jāto dhanasutānvitaḥ/
harṣavān‌ guṇavāṃścāpi satyavaktā sadā sukhī

rājyeśe vyayabhāvasthe tasya rājagṛhe vyayaḥ/
śatruto'pi bhayaṃ nityaṃ caturaścāpi cintitaḥ

lābheśe lagnage jātaḥ sāttviko dhanavān‌ sukhī/
samadṛṣṭiḥ kavirvāgmī sadā lābhasamanvitaḥ

lābheśe dhanabhāvasthe jātaḥ sarvadhanānvitaḥ/
sarvasiddhiyuto dātā dhārmikaśca sukhī sadā

lābheśe sahaje jātaḥ kuśalaḥ sarvakarmasu/
dhanī bhrātṛsukhopetaḥ śūlarogabhayaṃ kvacit‌

lābheśe sukhabhāvasthe lābho mātṛkulād‌ bhavet‌/
tīrthayātrākaro jāto gṛhabhūmisukhānvitaḥ

lābheśe sutabhāvasthe bhavanti sukhinaḥ sutāḥ/
vidyavanto'pi sacchīlāḥ svayaṃ dharmarataḥ sukhī

lābheśe rogabhāvasthe jāto rogasamanvitaḥ/
krūrabuddhiḥ pravāsī ca śatrubhi paripīḍitaḥ

lābheśe dārabhāvasthe lābho dārakulāt‌ sadā/
udāraśca guṇī kāmī jano bhāryāvaśānugaḥ

lābheśe randhrabhāvasthe hāniḥ kāryeṣu jāyate/
tasyāyuśca bhaved‌dīrghaṃ prathamaṃ maraṇaṃ striyaḥ

labheśe bhāgyabhāvasthe bhāgyavān‌ jāyate naraḥ/
caturaḥ satyavādī ca rājapujyo dhanādhipaḥ

lābheśe karmabhāvasthe bhūpavandyo guṇānvitaḥ/
nijadharmarato dhīmān‌ satyavādī jitendriyaḥ

lābheśe lābhabhāvasthe lābhaḥ sarveṣu karmasu/
paṇḍityaṃ ca sukhaṃ tasya varddhate ca dine dine

lābheśe vyayabhāvasthe satkāryeṣu vyayaḥ sadā/
kāmuko bahupatnīko mlecchasaṃsargakārakaḥ

vyayeśe lagnage jāto vyayaśīlo jato bhavet‌/
durbalaḥ kapharogī ca dhanavidyāvivarjitaḥ

vyayeśe dhanabhāvasthe śubhakārye vyayaḥ sadā/
dhārmikaḥ priyavādī ca guṇasaukhyasamanvitaḥ

vyayeśe sahaje jāto bhrātṛsaukyavivarjitaḥ/
bhavedanyajanadveṣī svaśarīrasya poṣakaḥ

vyayeśe sukhabhāvasthe mātuḥ sukhavivarjitaḥ/
bhūmiyānagṛhādīnāṃ hānistasya dinedine

vyayeśe sutabhāvasthe sutavidyāvivarjitaḥ/
putrārthe ca vyayastasya tīrthāṭanaparo naraḥ

vyayeśe ripubhāvasthe jātaḥ svajanavairakṛt‌/
krodhī pāpī ca duḥkhī ca parajāyārato naraḥ

vyayeśe dārabhāvasthe vyayo dārakṛtaḥ sadā/
tasya bhāryāsukhaṃ naiva balavidyāvivarjitaḥ

vyayeśe mṛtyubhāvasthe jāto lābhānvitaḥ sadā/
priyavāṅ‌ madhyamāyuśca sampūrṇaguṇasaṃyutaḥ

vyayeśe bhāgyabhāvasthe gurudveṣī bhavennaraḥ/
mitrairapi bhavedvairaṃ svārthasādhanatatparaḥ

vyayeśe rājyabhāvasthe vyayo rājakulād‌bhavet‌/
pitṛto'pi sukhaṃ tasya svalpameva hi jāyate

vyayeśe lābhabhāvasthe lābhe hāniḥ prajāyate/
pareṇa rakṣitaṃ dravyaṃ kadācillabhate naraḥ

vyayeśe vyayabhāvasthe vyayādhikyaṃ hi jāyate/
na śarīrasukhaṃ tasya krodhī dveṣaparo nṛṇām‌

iti te kathitaṃ vipra bhāveśānāṃ ca yat‌ phalam‌/
balābalavivekena sarveṣaṃ tatsamādiśet‌

dvirāśīśasya kheṭasya viditvobhayathā phalam‌/
virodhe tulyaphalayordvayornāśaḥ prajāyate

vibhinnayostu phalayordvayoḥ prāptirbhaved‌dhruvam‌/
grahe pūrṇabale purṇamardhamardhabale phalam‌

pādaṃ hīnabale kheṭe jñeyamitthaṃ budhairiti/
uktaṃ bhāvasthitānāṃ te bhāveśānāṃ palaṃ mayā