બૃહત્પારાશરહોરાશાસ્ત્રમ્ · અધ્યાય 2

રામકૃષ્ણાદયો યે હ્યવતારા રમાપતેઃ।
તેઽપિ જીવાંશસંયુક્તાઃ કિંવા બ્રૂહિ મુનિશ્વર

રામઃ કૃષ્ણશ્ચ ભો વિપ્ર નૃસિંહઃ સૂકરસ્તથા।
એતે પૂર્ણાવતારાશ્ચ હ્યન્યે જીવાંશકાન્વિતાઃ

અવતારાણ્યનેકાનિ હ્યજસ્ય પરમાત્મનઃ।
જીવાનાં કર્મફલદો ગ્રહરૂપી જનાર્દનઃ

દૈત્યાનાં બલનાશાય દેવાનાં બલબૃદ્ધયે।
ધર્મસંસ્તાપનાર્થાય ગ્રહાજ્જાતાઃ શુભાઃ ક્રમાત્‌

રામોઽવતારઃ સૂર્યસ્ય ચન્દ્રસ્ય યદુનાયકઃ।
નૃસિંહો ભૂમિપુત્રસ્ય બુદ્ધઃ સોમસુતસ્ય ચ

વામનો વિબુધેજ્યસ્ય ભાર્ગવો ભાર્ગવસ્ય ચ।
કૂર્મો ભાસ્કરપુત્રસ્ય સૈંહિકેયસ્ય સૂકરઃ

કેતોર્મીનાવતારશ્ચ યે ચાન્યે તેઽપિ ખેટજાઃ।
પરાત્માંશોઽધિકો યેષુ તે સર્વે ખેચરાભિધઃ

જીવાંશોહ્યધિકો યેષુ જીવાસ્તે ચૈ પ્રકીર્તિતઃ।
સૂર્યાદિભો ગ્રહેભ્યશ્ચ પરમાત્માંશનિઃસૃતાઃ

રામકૃષ્ણાદયઃ સર્વ હ્યવતારા ભવન્તિ ચૈ।
તત્રૈવ તે વિલીયન્તે પુનઃ કાર્યોત્તર સદા

જીવાંશનિઃસૃતાસ્તેષાં તેભ્યો જાતા નરાદયઃ।
તેઽપિ તત્રૈવ લીયન્તે તેઽવ્યક્તે સમયન્તિ હિ

ઇદં તે કથિતં વિપ્ર સર્વં યસ્મિન્‌ ભવેદિતિ।
ભૂતાન્યપિ ભવિષ્યન્તિ તત્તજ્જાતન્તિ તદ્વિદઃ

વિના તજ્જ્યૈતિષં નાન્યો જ્ઞાતું શક્નોતિ કર્હિચિત્‌।
તત્માદવશ્યમધ્યેયં બ્રાહ્મણેશ્ચ વિશેષતઃ

યો નરઃ શાસ્ત્રમજ્ઞાત્વા જ્યૌતિષં ખલુ નિન્દતિ।
રૌરવં નરકં ભુક્ત્વા ચાન્ધત્વં ચાન્યજન્મનિ