Brahmavaivarta Purana · Chapter 4.83

atha tryaśītitamo'dhyāyaḥ
nanda uvāca
vedānāṃ kāraṇaṃ tvaṃ ca brahmādīnāṃ ca putraka /
sarvaṃ kathaya bhadraṃ te kaṃ pṛcchāmi tvayā vinā

viprāṇāṃ yo hi dharmaśca kṣatravidśūdrakarmaṇām /
saṃnyāsināṃ ca yo dharmo yatīnāṃ brahmacāriṇām

viprāṇāṃ vidhavāstrīṇāṃ vaiṣṇavānāṃ satāmapi /
pativratānāṃ strīṇāṃ ca tatsarva vaktumarhasi

gṛhiṇāṃ gṛhiṇīnāṃ ca śiṣyāṇāṃ ca viśeṣataḥ /
putrāṇāṃ cāpi kanyānāṃ pitaraṃ mātaraṃ prati

strījātiśca katividhā bhaktaḥ katividhaḥ prabho /
brahmāṇḍaṃ ca katividhaṃ vadanaṃ ca kimātmakam //
kiṃ nityaṃ kṛtrimaṃ kiṃ ca brūhi sarvaṃ krameṇa ca

śrībhagavānuvāca
saṃdhyāpūtaḥ sadā vipraḥ kurute mama sevanam /
nityaṃ bhuṅkate matprasādamanivedya kadā ca na

annaṃ viṣṭhā jalaṃ yadviṣṇoraniveditam /
viṣṇuprasādabhojī ca jīvanmuktaśca brāhmaṇaḥ

nityaṃ tapasyānirataḥ śuciḥ śāntaśca śāstravit /
vratatīrthāśrito dharmī nānādhyāpanasaṃyutaḥ

viṣṇumantraṃ gṛhītvā ca kṛtvā ca gurusevanam /
guhītvā tadanujñāṃ ca paścādbhavati sa gṛhī

dakṣiṇāṃ nityabūjānāṃ gurave ca nivedayet /
gurūṇāṃ poṣaṇaṃ nityaṃ kartavyaṃ nātra saṃśayaḥ

sarveṣāmapi vandyānāṃ pitā caiva mahān guruḥ /
pituḥ śataguṇairmātā mātuḥ śataguṇaiḥ suraḥ

mantradastantradaścaiva sṛrāṇāṃ ca caturguṇaḥ /
nārāyaṇāśca bhagavānguruḥ pratyakṣa īśvaraḥ

uddeśe dīyate tasmai surāyeti śrutau śrutam /
pratyakṣabhoktā svaguruḥ svayaṃ dehī janārdanaḥ

gururbrahmā gururviṣṇurgurureva svayaṃ śivaḥ /
gurau ca sarvadevāśca tiṣṭhanti satataṃ mudā

gurau tuṣṭe haristuṣṭo yasmiṃstuṣṭe ca devatā /
guruḥ putrasamaṃ snehaṃ śiṣyeṣu na kariṣyati

labhate brahmahatyāṃ ca bhuṅkte kṛtvā ca nā''śiṣam /
svadharmanirato vipro brāhmaṇaśca sadā śuciḥ

viṣṇusevī sadā viprastadanyo'pyaśuciḥ sadā /
brāhmaṇo vṛṣavāhaśca śūdrāṇāṃ sūpakārakaḥ

brāhmaṇo devalaścaiva saṃdhyāhīnaśca durbalaḥ /
brāhmaṇaśca divāśāyī śūdraśrāddhānnabhojanaḥ

śūdrāṇāṃ śavadāhī ca te ca śūdrasamā dvijāḥ /
śālagrāmamahāmantraṃ kṛtvā pūjāṃ vidhānataḥ

bhuṅkte naṃvedyaśeṣaṃ ca tatpādodakameva ca /
hareḥ pādodakaṃ pītvā tīrthasnāyī bhavennaraḥ

mucyate sarvapāpemyo viṣṇulokaṃ sa gacchati /
sa snātaḥ sarvatīrtheṣu sarvayajñeṣu dīkṣitaḥ

śālagrāmaśilātoyairyo'bhiṣekaṃ samācaret /
gaṅgājalāddaśaguṇaṃ śālagrāmajalaṃ vraja

nityaṃ bhuṅkte ca yo vipro jīvanmuktaḥ suraiḥ samaḥ /
viprāṇāṃ nityakṛtyaṃ ca viṣṇornaivedyabhojanam

yatnena pūjanaṃ tasya tatpājodakamevanam /
nityaṃ trisaṃdhyaṃ kurute bhaktyā ca mama pūjanam

ekādaśyāṃ na bhuṅkte ca mama vai janmavāsare /
śivarātrau ca he tāta śrīrāmanavamīdine

na ca bhuṅkte vratī yo hi jīvanmukto hi sa dvijaḥ /
pṛthivyāṃ yāni tīrthāni tasya pāde ca tāni ca

viprapādodakaṃ pītvā tīrthasnāyī bhavennaraḥ /
viprapādodakaklinnā yāvattiṣṭhati medinī

tāvatpuṣkarapātreṣu pivanti pitaro jalam /
viṣṇuprasādabhojī ca pavitrāṃ kurute mahīm

tīrthāni ca narāṃścaiva jīvanmukto hi sa dvijaḥ /
sarvatīrtheṣu sa snāto vratānāṃ ca phalaṃ labhet

pade pade'śvamedhasya labhate niścitaṃ phalam /
vahnivāyusamaḥ pūtastejasā bhāskaropamaḥ

yamadūtaṃ yamaṃ caiva sa ca svapne na paśyati /
vaikuṇṭhe modate so'pi pārṣado hariṇā saha

na bhavettasya pāto hi viprasya harisevinaḥ /
viṣṇumantropāsakaśya sa eva vaiṣṇavo dvijaḥ

brāhmaṇo vaiṣṇavaḥ prājño na hi tasmātparaḥ pumāt /
vedokto vā purāṇokstantrokto vā //
manuḥ śuciḥ

vicārato gṛhītvā taṃ śaivaḥ śāktaśca vaiṣṇavaḥ /
guruvaktrādviṣṇumantroyasya karṇe viśatyayam

taṃ vaiṣṇavaṃ mahāpūtaṃ pravadanti manīṣiṇaḥ /
mantragrahaṇamātreṇa jīvanmukto bhavennaraḥ

bhīttavā brahmaṇḍamakhilaṃ yāsyatyeva hareḥ padam /
pūrvānsapta parānsapta sapta mātāmahādikān

sodarānṛddharedbhaktastatprasūṃ tatprasūṃ tathā /
japennārāyaṇakṣetre puraścaraṇapūrvakam

puruṣāṇāṃ sahasraṃ ca līlayā'/tmānamudvaret /
mantragrahaṇamātreṇa phalametadvrajeśvara

puraścaraṇasaṃparkātpuruṣāṇāṃ śataṃ śatam /
aikāntiko vaiṣṇavaścapuṃsāṃ lakṣaṃ samuddharet

kriyā viṣṇupade yasya saṃkalpāśca bahiḥkṛtā /
dvijāḥ surā mama prāṇā bhaktaḥ prāṇatparaḥ priyaḥ

viśveṣu priyapātreṣu na me bhaktātparaḥ priyaḥ /
tejīyāṃsaṃ guruṃ dṛṣṭvā sarvatra rakṣituṃ kṣamam

kanoti mantragrahaṇaṃ tasmādbhūyādvicakṣaṇaḥ /
vayohīnājjñānahīnādvidyāhīnāttathaiva ca //
jātihīnādgurormantraṃ gṛhṇīyānna kadācana

aśāstrārtha kṣataṃ mantraṃ na guhṇīyātkadācana /
mūrkhādāśramahīnācca pituḥ saṃnyāsinastathā

rogiṇo vaṃśahīnācca bhāryāhīnāttathaiva ca /
mantrakṣiptāttathā mantraṃ na gṛhṇīyātkadācana

viṣṇumantraṃ na gṛhṇīyādviṣṇubhakti vihīnataḥ /
na ca śaivānna śāktācca gṛhṇīyādvaiṣṇavāddvijāt

vayohīnāttathā'lpāyurjñānahīnādapaṇḍitaḥ /
vidyāhīnādbhavenmūḍho jātihīnātkṣayo bhavet

mūrkhānmūrkho bhavetsadyo duḥkhī svāśramahīnataḥ /
yaśohāniḥ pituścaiva mṛtyuḥ saṃnyāsinastathā

rogiṇo vyādhiyuktaśca nirvaṃśo vaṃśahīnataḥ /
bhāryāhīno'pi strīhīnānmantrakṣiptādguro samaḥ

viṣṇubhaktivihīnācca bhaktihīno bhavennaraḥ /
śaivācchāktādgṛhītvā ca harau bhaktirna vardhate

brāhmaṇo vaiṣṇavaḥ śuddhaḥ pakvānnaṃ dātumīśvaraḥ /
pakvānnaṃ haraye dātumakṣamaścetaro janaḥ

oṃkāroccāraṇāddhomācchālagrāmaśilārcanāt /
mahyaṃ pakvānnadānācca viprādanyo vrajedadhaḥ

udāsīnāddūrācārānna gṛṅṇīyānmanuṃ sudhīḥ /
daivādyadi ca gṛhṇīyāddhanahīno bhaveddhruvam

brāhmaṇānāṃ sadā bhakṣyaṃ haviṣyaṃ ca nirāmiṣam /
āmiṣasya parityāgātsūryaṃvattejasā bhavet

nityaṃ nūtanabhāṇḍena kartavyaḥ pāka eva ca /
athavā pakṣaparyantaṃ tatastyājyaṃ manīthibhi/

sthānaṃ susaṃskṛtaṃ kṛtvā pākaṃ nirvṛ tya pūjakaḥ /
sthāne pariṣkṛte vipro dattvā mahyaṃ ca bhaktitaḥ

tadā nivedya bhuṅkte ca dattvā viprāya sādaram /
anivedya ca bhukttvā ca surāpītirbhaveddvijaḥ

candrasūryeparāge vai cā''śauce mṛtajātayoḥ /
spṛṣṭenāśucinā sadyāḥ pākabhāṇaण़ḍaṃ parityajet

bhṛṣṭaṃ dravyaṃ tathā'nnaṃ ca dhṛtvā dhaute ca vāsasī /
pādaprakṣālanaṃ kṛtvā bhuṅkate sthāno pariṣkṛte

dvirbhojanaṃ na kartavyaṃ sthite sūrye dvijātibhiḥ /
niṣphalaṃ tadbhavetkarma bhuktvā ca narakaṃ vrajet

yātrāṃ yudvaṃ nadītīraṃ punarbhojanamaithune /
varjaṃyecchrāddhadivase haviṣyāśī ca saṃyamī

dvijāya viṣṇubhaktāya pātraṃ dadyādvudhāya ca /
vṛṣalīpataye caiva na dadyāychūdrayājine

saṃdhyāhīnāya duṣṭāya vṛṣavāhāya yatnataḥ /
śukravikrayiṇe caiva devalāya kadācana

pradattaṃ pātrametebhyo brāhmaṇaṃ narakaṃ nayet /
pātre bhuktavā taddivase maithunānnarakaṃ vrajetu

sarvebhyaḥ pātakī tāta kanyāvikrayakārakaḥ /
mūnyaṃ gṛhītvā yo dadyātsa mahārauravaṃ vrajet

kanyālomapramāṇāntaṃ varṣaṃ ca pitṛbhiḥ saha /
kumbhīpāke pacyate ca putraścāpi purohitaḥ

tasmātkanyāṃ supātrāya dānaṃ kuryādvicakṣaṇaḥ /
śūdravadbrāhmaṇebhyaśca naiva tadvaṃśacāya ca

vipravaiṣṇavayordharmaḥ kathitaśca vrajeśvaraḥ /
yaduktaṃ ca purāṇaiśca caturbhiḥ śrutibhistathā

dvijārcanaṃ kṣatriyāṇāṃ tathā nārāyaṇārcanam /
rājyānāṃ pālanaṃ caiva raṇe nirbhayatā tathā

nityaṃ dānaṃ brāhmaṇebhyaḥ śaraṇāgatarakṣaṇam /
putratulyaṃ prajānāṃ ca duḥkhināṃ paripālanam

śastrāstrāṇāṃ ca naipuṇyaṃ raṇe śauṇḍīryameva ca /
tapaśca dharmakṛtyaṃ ca yatnataḥ kurute mudā

paṇḍitaṃ nītijñāstrajñaṃ nityaṃ ca paripālayet /
niyojayetsabhāmadhye nityaṃ sadbhiśca saṃyute

hastyaśvarathapādātaṃ senāṅgaṃ ca catuṣṭayam /
pālayedyatnato nityaṃ yaśasvī ca pratāpavān

raṇe nimantritaścaiva dāne na vimukho bhavet /
raṇe vā yastyajetprāṇāṃstasya svargo yaśaskaraḥ

vaiśyānāmapi vāṇijyamīśvaraḥ kṛṣipālane /
vipradevārcanaṃ dānaṃ tapasyā vratasevanam

viprāṇāmarcanaṃ nityaṃ śūdradharmo vidhīyate /
tatkṛṣī taddhanagrāhī śūdraścāṇḍālatāṃ vrajet

gṛdhraḥ koṭisahasrāṇi śatajanmāni sūkaraḥ /
śvāpadaḥ śatajanmāni śūdo vipradhanāpahaḥ

yaḥ śūdro brāhmaṇīgāmī mātṛgāmī sa pātakī /
kṛmbhīpāke pacyate sa yāvadvai brahmaṇaḥ śātam

kumbhīpāke taprataile bhuktaḥ sarpairaharniśam /
śabdaṃ ca vikṛtākāraṃ kurute yamatāḍanāt

tataścāṇḍālayoniḥ syātsaptajanmasu pātakī /
saptajanmasu sarpaśca jalaukāḥ saptajanmasu

janmakoṭisahatraṃ ca viṣṭhāyāṃ jāyate kṛmiḥ /
puṃścalīnāṃ yonikṛmiḥ sa bhavetsaptajanmasu

garvā vraṇakṛmiḥ syācca pātakī saptajanmasu /
yonau yonau bhramatyevaṃ na punarjāyate naraḥ

saṃnyāsināṃ ca yo dharmo manmukhācca niśāmaya/
daṇḍagrahaṇamātreṇa naro nārāyaṇo bhavet

pūrvakarmāṇi dagdhvā ca parakarmanikṛntanam /
kurute cintayenmāṃ ca hyāyāti mama mandiram

saṃnyāsināṃ padasparśātsadyaḥ pūtā vasuṃdharā /
sadyaḥ punanti tīrthāni vaiṣṇavasya yathā vraja

saṃnyāsinaśca sparśena niṣpāpo jāyate naraḥ /
saṃnyāsinaṃ bhojayitvā cāśvamedhaphalaṃ labhet

natvā ca kāmato dṛṣṭvā rājasūyaphalaṃ labhet /
phalaṃ saṃnyāsināṃ tunyaṃ yatīnāṃ brahmacāriṇām

saṃnyācī yāti sāyāhne kṣudhito gṛhiṇāṃ gṛham /
sadannaṃ vā kadannaṃ vā taddattaṃ naiva varjayet

na yācate ca miṣṭānnaṃ na kuryātkopameva ca /
na dhanagrahaṇaṃ kuryādekavāsā nirīhataḥ

śītagrīṣmasamānaśca lobhamohavivarjitaḥ /
tatra sthitvaikarātraṃ ca prātaranyatsthalaṃ vrajet

yānamānohaṇaṃ kṛtvā gṛhītvā gṛhiṇo dhanam /
gṛhaṃ kṛtvā gṛhī ramyātsvadharmātpatito bhavet

kṛtvā cakṛṣivāṇijyaṃ kuvṛttiṃ kurute ca yaḥ /
sa saṃnyāsī hṛtācāraḥ svadharmātvatito bhavet

aśubhaṃ ca śubhaṃ vā'pi svakarma kurute yadi /
bahiṣkṛtaḥ svadharmo vā'pyupahāsyaśca vai bhavet

brāhmaṇī patihīnā yā bhavenniṣkāminī sadā /
ekabhuktā dinānte sā haviṣyānnaratā sadā

na dhatte divyavastraṃ ca gandhadravyaṃ sutailakam /
srajaṃ ca candanaṃ caiva śaṅkhasindūrabhūṣaṇam

tyaktvā malinavastrā syānnityaṃ nārāyaṇaṃ smaret /
nārāyaṇasya sevāṃ ca kurute nityameva ca

tannāmoccāraṇaṃ śaśvatkurute nānyabhaktitaḥ /
putratulyaṃ ca puruṣaṃ sadā paśyati dharmataḥ

miṣṭānnaṃ na ca bhuṅkte sā na kuryādvibhavaṃ vraja /
ekādaśyāṃ na bhoktavyaṃ kṛṣṇajanmāṣṭamīdine

śrīrāmasya navamyāṃ tu śivarātrau pavitrayā /
aghorāyāṃ ca pretāyāṃ candrasūryoparāgayoḥ

bhṛṣṭaṃ dravyaṃ parityajya bhujyate parameva ca /
tāmbūlaṃ vidhavāstrīṇāṃ yatīnāṃ brahmacāniṇām

saṃnyāsināṃ ca saumāṃsasurātulyaṃ śrutau śrutam /
raktaśākaṃ masūraṃ ca jambīraṃ parṇameva ca

alāburvartulākārā varjanīyā ca tairavi /
paryaṅkaśāyinī nārī vidhavā pātayetpatim

yānamārohaṇaṃ kṛtvā vidhavā narakaṃ vrajet /
na kuryātkeśasaṃskāraṃ gātrasaṃskārameva ca

keśaveṇī jaṭārūpe tatkṣauraṃ tīrthakaṃ vinā /
tailābhyaṅgaṃna kurvīta nahi paśyati darpaṇam

mukhaṃ ca parapuṃsāṃ ca yātrāṃ nṛtyaṃ mahotsavam /
nartanaṃ gāyanaṃ caiva suveṣaṃ puruṣaṃ śubham

śṛṇuyācca satāṃ dharma sāmavedanirūpitam /
paramārtha paraṃ caiva nibodha kathayāmi te

adhyāpanamadhyānaṃ śiṣyāṇāṃ paripālanam /
guruṇāṃ sevanaṃ nityaṃ dvicadevārcanaṃ tathā

siddhāntaśāstranaipuṇyaṃ bhāvanaṃ svātmatoṣaṇam /
vyākhyānaṃ pariśuddhaṃ ca granthābhyastaṃ ca saṃtatam

pyavasthāpariśuddhyartha vicāro vedasaṃmataḥ /
śāstrārthācaraṇaṃ caiva katadhyaṃ svayameva ca

devāhnikeṣu naipuṇyaṃ vedācaraṇamīpsitam /
vedoktabhakṣaṇaṃ caiva pavitrācaraṇaṃ sadā

pativratānāṃ yaṃ dharma taṃ nibodha vrajeśvara /
nityaṃtu bhartaryautsukyāttatpādodakamīpsitam

bhaktibhāvena satataṃ bhoktavyaṃ tadanujñayā /
vrataṃ tapasyāṃ devārcāṃ parityajya prayatnataḥ

kuryāccaraṇasevāṃ ca stavanaṃ paritoṣaṇam /
tadājñārahitaṃ karma na kuyadviraitaḥ satī

nārāyaṇātparaṃ kāntaṃ dhyāyate satataṃ satī /
parapuṃsāṃ mukhaṃ caiva suveṣapuruṣaṃ param

yātrāmahotsavaṃ nṛtyaṃ nartanaṃ gāyanaṃ vraja /
parakrīḍāṃ ca satataṃ na hi paśyati suvratā

yadbhakṣyaṃ svāmino nityaṃ tadevamapi yoṣitām /
nahi tyajettu tatsaṅgaṃ kṣaṇameva ca suvratā

uttare nottaraṃ dadyātsvāminaśya pativratā /
na kopaṃ kurute śudvā tāḍitā cāpi kopataḥ

kṣudhitaṃ bhojayetkāntaṃ dadyātpānaṃ ca bhojanam /
na bodhayettaṃ nidrāluṃ prareyennaiva karmasu // ११७ /
putrāṇāṃ ca śataguṇaṃ snehaṃ kuryātpatīṃ satī /
patirbandhurgatirbhartā daivataṃ kulayoṣitaḥ

śubhaṃ dṛṣṭvā sudhātulyaṃ kāntaṃ paśyati sundarī /
sasmitaṃ vadanaṃ kṛtvā bhaktibhāvena yatnataḥ

puruṣāṇāṃ sahasraṃ ca satī strī ca samuddharet /
patiḥ pativratānāṃ ca mucyate sarvapātakāt

nāsti teṣāṃ karmabhogaḥ satīnāṃ vratatejasā /
tayā sārdhaṃ ca niṣkarmī modate harimandire

pṛthivyāṃ yāni tīrthāni satīpādeṣu tānyapi /
tejaśca sarvadevānāṃ munīnāṃ ca satīṣu ca

tapasvināṃ tapaḥ sarvaṃ vratināṃ yatphalaṃ vraja /
dāne phalaṃ yaddātaṇāṃ tatsarva tāsu saṃtatam

svayaṃ nārāyaṇaḥ śaṃbhurvidhātā jagatāmapi /
surāḥ sarve ca munayo bhītāstābhyāṃ ca saṃtatam

satīnāṃ pādarajasā sadyaḥ pūtā vasuṃdharā /
pativratāṃ namaskṛtvā mucyate pātakānnaraḥ

trailokyaṃ bhasmasātkartuṃ kṣaṇenaiva pativratā /
svatejasā samarthā sā mahāpuṇyavatī sadā

satīnāṃ ca patiḥ sādhuḥ putro niḥśaṃka eva ca /
na hi tasya bhayaṃ kiṃciddevebhyaśca yamādapi

śatajanmapuṇyavatāṃ gehe jātā pativratā /
pativratāprasūḥ pūtā jīvanmuktaḥ pitā tathā

satī strī prātarutthāya tyaktvā ca rātrivāsasam /
bhartāraṃ ca namaskṛtya karoti stavanaṃ mudā

gṛhakāryaṃ tataḥ kṛtvā snātvā dhaute ca vāsasī /
gṛhītvā śuklapuṣpaṃ ca bhaktitaḥ pūjayetpatim

snāpayitvā supūtena jalena nirmalena ca /
tasmai dattvā dhautavastraṃ tatpādau kṣālayenmudā

āsane vāsayitvā ca dattvā bhāle ca candanam /
sarvāṅgalepanaṃ kṛtvā dattvā mālyaṃ gale'pi ca

sāmavedoktamantreṇa bhogadravyaiḥ sudhopamaiḥ /
saṃpūjya bhaktitaḥ kāntaṃ stutvā ca praṇamenmudā

oṃ namaḥ kāntāya śāntāya sarvadevāśrayāya svāhā /
ityanenaiva mantreṇa dattvā puṣpaṃ ca candanam

pādyārdhyaṃ dhūpadīpau ca vastraṃ naivedyamuttamam /
jalaṃ suvāsitaṃ śuddhaṃ tāmbūlaṃ ca suvāsitam

dattvā stotraṃ paṭhedyadyatkṛtaṃ vai pāṭhyameva ca /
oṃ namaḥ kāntāya bhartre ca śiraścandrasvarūpiṇe

namaḥ śāntāya dāntāya sarvadevāśrayāya ca /
namo brahmasvarūpāya satīprāṇaparāya ca

namasyāya ca pūjyāya hṛdādhārāya te namaḥ /
pañcaprāṇādhidevāya cakṣuṣastārakāya ca

jñānādhārāya patnīnāṃ paramānandarūpiṇe /
patirbrahmā patirviṣṇuḥ patireva maheśvaraḥ

patiśca nirguṇādhāro brahmarūpa namo'stu te /
kṣamasva bhagavan doṣaṃ jñānājñānakṛtaṃ ca yat

patnībandho dayāsindho dāsīdoṣaṃ kṣamasva me /
idaṃ stotraṃ mahāpuṇyaṃ sṛṣṭyādau padmayā kṛtam

sarasvatyā ca dharayā gaṅgayā ca purā vraja /
sāvitryā ca kṛtaṃ pūrvaṃ brahmaṇe cāpi nityaśaḥ

pārvatyā ca kṛtaṃ bhaktyā kailāse śaṃkarāya ca /
munīnāṃ ca surāṇāṃ ca patnībhiśca kṛtaṃ purā

pativratānāṃ sarvāsāṃ stotrametacchubhāvaham /
idaṃ stotraṃ mahāpuṇyaṃ yā śrṛṇoti pativratā

naro'nyo vā'pi nārī vā labhate sarvavāñchitam /
aputro labhate putraṃ nirdhano labhate dhanam

raugī ca mucyate rogādbaddho mucyeta bandhanāt /
pativratā ca stutvā ca tīrthasnānaphalaṃ labhet

phalaṃ ca sarvaṃ tapasāṃ vratānāṃ ca vrajeśvara /
idaṃ stutvā namaskṛtvā bhuṅkte sā tadanujñayā //
uktaḥ pativratādharmo gṛhiṇāṃ śruyatāṃ vraja

iti śrībrahmao mahāo śrīkṛṣṇajanmakhao uttaṃo nāradānāo bhagavannandasaṃo
tryaśītitamo'dhyāyaḥ