Brahmavaivarta Purana · Chapter 4.63

atha triṣaṣṭitamodhyāyaḥ
nārāyaṇa uvāca
atha kaṃso vicintyaivaṃ dṛṣṭvā duḥsvapnameva ca /
samudvigno mahābhīto nirāhāro nirutsukaḥ

putraṃ mitraṃ bandhugaṇaṃ bāndhavaṃ ca purohitam /
samānīya sabhāmadhye tānuvāca suduḥkhitaḥ

kaṃsa uvāca
mayā dṛṣṭo niśīthe yo duḥsvapno hi bhayapradaḥ /
nibodhata budhāḥ sarve bāndhavāśca purohitāḥ

bibhratī raktapuṣpāṇāṃ mālāṃ sā raktacandanam /
raktāmbanaṃ khaḍgatīkṣṇaṃ kharparaṃ ca bhayaṃkaram

prakṛtyāṭṭāṭṭahāsaṃ ca lolajihvā bhayaṃkarī /
atīva vṛddhā kṛṣṇāṅgī nagare mama nṛtyati

muktakeśī chinnanāsā kṛṣṇā kṛṣṇāmbārapriyā /
vidhavā sā mahāśūdrī māmāliṅgitumicchati

malinaṃ cailakhaṇḍaṃ ca bibhratī rūkṣamūrdhajān /
dadhatī cūrṇatilakaṃ kapolai mama vakṣasi

kṛṣṇavarṇāni pakvāni cchinnabhinnāni satyaka /
patanti kṛtvā śabdāṃśca śaśvattālaphalāni ca

kucailo vikṛtākāro mleccho hi rūkṣamūrdhajaḥ /
dadāti mahyaṃ bhūṣāyāṃ chinnabhinnakapardakān

mahāruṣṭā ca divyā strī patiputravatī satī /
babhañja pūrṇakumbhaṃ ca sā'bhiśapya punaḥ punaḥ

amlānāmoṃḍūmālāṃ ca raktacandanacarcitām /
dadāti maṅyaṃ vipraśca mahāruṣṭo'tiśapya ca

kṣaṇamaṅgāravṛṣṭiśca bhasmavṛṣṭiḥ kṣaṇaṃ kṣaṇam /
kṣaṇaṃ kṣaṇaṃ raktavṛṣṭirbhavecca nagare mama

vānaraṃ vāyasaṃ śvānaṃ bhallūkaṃ sūkaraṃ kharam /
paśyāmi vikaṭākāraṃ śabdaṃ kurvantamulbaṇam

paśyāmi śuṣkakāṣṭhānāṃ rāśimamlānakajjalam /
aruṇodayavelāyāṃ kapīṃścinnanakhāni ca

pītavastraparidhānā śuklacandanacarcitā /
bibhratī mālatīmālāṃ ratnabhūṣaṇabhūṣitā

krīḍākamalahastā sā sindūrabinduśobhitā /
kṛtvā'bhiśāpaṃ māṃ ruṣaṭā yāti manmandirātsatī

pāśahastāṃśca puruṣānmuktakeśānbhayaṃkarān /
atirūkṣāṃśca paśyāmi viśāto nagaraṃ mama

nagnanārī suktakeśī nṛtyantī ca gṛhe gṛhe /
atīva vikṛtākārāṃ paśyāmi sasmitāṃ sadā

chinnanāsā ca vidhavā mahāśūdrī digambarā /
sā tailābhyaṅgitaṃ māṃ ca karotyatibhayaṃkarī

nirvāṇāṅgārayuktāśca bhasmabūrṇā digambarā /
atiprabhātasamaye citrāḥ paśyāmi sasmitāḥ

paśyāmi ca vivāhaṃ ca nṛtyagītamanoharam /
raktavastraparīdhānānpuriṣānraktamīrdhajān

raktaṃ vamantaṃ puruṣaṃ nṛtyantaṃ nagnamulbaṇam /
dhāvantaṃ ca śayānaṃ ca paśyāmi sasmitaṃ sadā

rāhugrastaṃ ca gagane maṇḍalaṃ candrasūryayauḥ /
ekakāleca paśyāmi sarvagrāsaṃ ca bāndhavāḥ

ulkāpātaṃ dhūmaketuṃ bhūkampaṃ rāṣṭraviplavam /
jhañjhāvātaṃ mahotpātaṃ paśyāmi ca purohita

vāyunā ghūrṇamānāṃśca cchinnaskandhānmahīruhān /
patitānparvatāścaiva paśyāmi pṛthivītale

puruṣaṃ chinnaśirasaṃ rṛtyantaṃ nagnamucchritam /
muṇḍamālākaraṃ ghoraṃ paśyāmi ca gṛhe gṛhe

dagthaṃ sarvāśramaṃ bhakmapūrṇamaṅgārasaṃkulam /
hāhākāraṃ ca kurvantaṃ sarvaṃ paśyāmi sarvataḥ

ityevamuktvā rājā sa virarāma sabhātale /
dṛṣadvā (śrṛtvā) svaptaṃ bāndhavāśca na tamuktvāniśaśvasuḥ

jahāra cetanāṃ sadyaḥ satyakaśca purohitaḥ /
matvā vināśaṃ kaṃsasya yajamānasya nārada

ruroda nārīvargaśca pitā mātā ca śokataḥ /
mene vināśakālaṃ ca sadyaḥ svayamupasthitam

iti śrībrahmao mahāo śrīkṛṣṇajanmakhao uttao nāradanāo kaṃsaduḥkhapna-
kathanaṃ nāma triṣaṣṭitamo'dhyāyaḥ