બ્રહ્મવૈવર્ત પુરાણ · અધ્યાય 4.63

અથ ત્રિષષ્ટિતમોધ્યાયઃ
નારાયણ ઉવાચ
અથ કંસો વિચિન્ત્યૈવં દૃષ્ટ્વા દુઃસ્વપ્નમેવ ચ ।
સમુદ્વિગ્નો મહાભીતો નિરાહારો નિરુત્સુકઃ

પુત્રં મિત્રં બન્ધુગણં બાન્ધવં ચ પુરોહિતમ્ ।
સમાનીય સભામધ્યે તાનુવાચ સુદુઃખિતઃ

કંસ ઉવાચ
મયા દૃષ્ટો નિશીથે યો દુઃસ્વપ્નો હિ ભયપ્રદઃ ।
નિબોધત બુધાઃ સર્વે બાન્ધવાશ્ચ પુરોહિતાઃ

બિભ્રતી રક્તપુષ્પાણાં માલાં સા રક્તચન્દનમ્ ।
રક્તામ્બનં ખડ્ગતીક્ષ્ણં ખર્પરં ચ ભયંકરમ્

પ્રકૃત્યાટ્ટાટ્ટહાસં ચ લોલજિહ્વા ભયંકરી ।
અતીવ વૃદ્ધા કૃષ્ણાઙ્ગી નગરે મમ નૃત્યતિ

મુક્તકેશી છિન્નનાસા કૃષ્ણા કૃષ્ણામ્બારપ્રિયા ।
વિધવા સા મહાશૂદ્રી મામાલિઙ્ગિતુમિચ્છતિ

મલિનં ચૈલખણ્ડં ચ બિભ્રતી રૂક્ષમૂર્ધજાન્ ।
દધતી ચૂર્ણતિલકં કપોલૈ મમ વક્ષસિ

કૃષ્ણવર્ણાનિ પક્વાનિ ચ્છિન્નભિન્નાનિ સત્યક ।
પતન્તિ કૃત્વા શબ્દાંશ્ચ શશ્વત્તાલફલાનિ ચ

કુચૈલો વિકૃતાકારો મ્લેચ્છો હિ રૂક્ષમૂર્ધજઃ ।
દદાતિ મહ્યં ભૂષાયાં છિન્નભિન્નકપર્દકાન્

મહારુષ્ટા ચ દિવ્યા સ્ત્રી પતિપુત્રવતી સતી ।
બભઞ્જ પૂર્ણકુમ્ભં ચ સાઽભિશપ્ય પુનઃ પુનઃ

અમ્લાનામોંડૂમાલાં ચ રક્તચન્દનચર્ચિતામ્ ।
દદાતિ મઙ્યં વિપ્રશ્ચ મહારુષ્ટોઽતિશપ્ય ચ

ક્ષણમઙ્ગારવૃષ્ટિશ્ચ ભસ્મવૃષ્ટિઃ ક્ષણં ક્ષણમ્ ।
ક્ષણં ક્ષણં રક્તવૃષ્ટિર્ભવેચ્ચ નગરે મમ

વાનરં વાયસં શ્વાનં ભલ્લૂકં સૂકરં ખરમ્ ।
પશ્યામિ વિકટાકારં શબ્દં કુર્વન્તમુલ્બણમ્

પશ્યામિ શુષ્કકાષ્ઠાનાં રાશિમમ્લાનકજ્જલમ્ ।
અરુણોદયવેલાયાં કપીંશ્ચિન્નનખાનિ ચ

પીતવસ્ત્રપરિધાના શુક્લચન્દનચર્ચિતા ।
બિભ્રતી માલતીમાલાં રત્નભૂષણભૂષિતા

ક્રીડાકમલહસ્તા સા સિન્દૂરબિન્દુશોભિતા ।
કૃત્વાઽભિશાપં માં રુષટા યાતિ મન્મન્દિરાત્સતી

પાશહસ્તાંશ્ચ પુરુષાન્મુક્તકેશાન્ભયંકરાન્ ।
અતિરૂક્ષાંશ્ચ પશ્યામિ વિશાતો નગરં મમ

નગ્નનારી સુક્તકેશી નૃત્યન્તી ચ ગૃહે ગૃહે ।
અતીવ વિકૃતાકારાં પશ્યામિ સસ્મિતાં સદા

છિન્નનાસા ચ વિધવા મહાશૂદ્રી દિગમ્બરા ।
સા તૈલાભ્યઙ્ગિતં માં ચ કરોત્યતિભયંકરી

નિર્વાણાઙ્ગારયુક્તાશ્ચ ભસ્મબૂર્ણા દિગમ્બરા ।
અતિપ્રભાતસમયે ચિત્રાઃ પશ્યામિ સસ્મિતાઃ

પશ્યામિ ચ વિવાહં ચ નૃત્યગીતમનોહરમ્ ।
રક્તવસ્ત્રપરીધાનાન્પુરિષાન્રક્તમીર્ધજાન્

રક્તં વમન્તં પુરુષં નૃત્યન્તં નગ્નમુલ્બણમ્ ।
ધાવન્તં ચ શયાનં ચ પશ્યામિ સસ્મિતં સદા

રાહુગ્રસ્તં ચ ગગને મણ્ડલં ચન્દ્રસૂર્યયૌઃ ।
એકકાલેચ પશ્યામિ સર્વગ્રાસં ચ બાન્ધવાઃ

ઉલ્કાપાતં ધૂમકેતું ભૂકમ્પં રાષ્ટ્રવિપ્લવમ્ ।
ઝઞ્ઝાવાતં મહોત્પાતં પશ્યામિ ચ પુરોહિત

વાયુના ઘૂર્ણમાનાંશ્ચ ચ્છિન્નસ્કન્ધાન્મહીરુહાન્ ।
પતિતાન્પર્વતાશ્ચૈવ પશ્યામિ પૃથિવીતલે

પુરુષં છિન્નશિરસં રૃત્યન્તં નગ્નમુચ્છ્રિતમ્ ।
મુણ્ડમાલાકરં ઘોરં પશ્યામિ ચ ગૃહે ગૃહે

દગ્થં સર્વાશ્રમં ભક્મપૂર્ણમઙ્ગારસંકુલમ્ ।
હાહાકારં ચ કુર્વન્તં સર્વં પશ્યામિ સર્વતઃ

ઇત્યેવમુક્ત્વા રાજા સ વિરરામ સભાતલે ।
દૃષદ્વા (શ્રૃત્વા) સ્વપ્તં બાન્ધવાશ્ચ ન તમુક્ત્વાનિશશ્વસુઃ

જહાર ચેતનાં સદ્યઃ સત્યકશ્ચ પુરોહિતઃ ।
મત્વા વિનાશં કંસસ્ય યજમાનસ્ય નારદ

રુરોદ નારીવર્ગશ્ચ પિતા માતા ચ શોકતઃ ।
મેને વિનાશકાલં ચ સદ્યઃ સ્વયમુપસ્થિતમ્

ઇતિ શ્રીબ્રહ્મઓ મહાઓ શ્રીકૃષ્ણજન્મખઓ ઉત્તઓ નારદનાઓ કંસદુઃખપ્ન-
કથનં નામ ત્રિષષ્ટિતમોઽધ્યાયઃ