Brahmasūtra text extracted from Śaṃkara's Śārīrakamīmāṃsābhāṣya (another edition) · Chapter 3.2

saṃdhye sṛṣṭirāha hi

nirmātāraṃ caike putrādayaś ca

māyāmātraṃ tu kārtsnyenānabhivyaktasvarūpatvāt

sūcakaśca hi śruter ācakṣate ca tadvidaḥ

parābhidhyānāt tu tirohitaṃ tato hy asya bandhaviparyayau

dehayogād vā so 'pi

tadabhāvo nāḍīṣu tacchruter ātmani ca

ataḥ prabodho 'smāt

sa eva tu karmānusmṛtiśabdavidhibhyaḥ

mugdhe 'rdhasaṃpattiḥ pariśeṣāt

na sthānato 'pi parasyobhayaliṅgaṃ sarvatra hi

na bhedād iti cen na pratyekam atadvacanāt

api caivam eke

arūpavad eva hi tatpradhānatvāt

prakāśavac cāvaiyarthyāt

āha ca tanmātram

darśayati cātho api smaryate

ata eva copamā sūryakādivat

ambuvadagrahaṇāt tu na tathātvam

vṛddhihrāsabhāktvam antarbhāvād ubhayasāmañjasyād evam

darśanāc ca

prakṛtaitāvattvaṃ hi pratiṣedhati tato bravīti ca bhūyaḥ

tadavyaktamāha hi

api ca saṃrādhane pratyakṣānumānābhyām

prakāśādivaccāvaiśeṣyaṃ prakāśaś ca karmaṇyabhyāsāt

ato 'nantena tathā hi liṅgam

ubhayavyapadeśāttvahikuṇḍalavat

prakāśāśrayavadvā tejastvāt

pūrvavad vā

pratiṣedhāc ca

paramataḥ setūnmānasaṃbandhabhedavyapadeśebhyaḥ

sāmānyāt tu

buddhyarthaḥ pādavat

sthānaviśeṣātprakāśādivat

upapatteś ca

tathānyapratiṣedhāt

anena sarvagatatvamāyāmaśabdādibhyaḥ

phalamata upapatteḥ

śrutatvāc ca

dharmaṃ jaiminirata eva

pūrvaṃ tu bādarāyaṇo hetuvyapadeśāt