બ્રહ્મસૂત્ર (અન્ય આવૃત્તિ) · અધ્યાય 3.2

સંધ્યે સૃષ્ટિરાહ હિ

નિર્માતારં ચૈકે પુત્રાદયશ્ ચ

માયામાત્રં તુ કાર્ત્સ્ન્યેનાનભિવ્યક્તસ્વરૂપત્વાત્

સૂચકશ્ચ હિ શ્રુતેર્ આચક્ષતે ચ તદ્વિદઃ

પરાભિધ્યાનાત્ તુ તિરોહિતં તતો હ્ય્ અસ્ય બન્ધવિપર્યયૌ

દેહયોગાદ્ વા સો ઽપિ

તદભાવો નાડીષુ તચ્છ્રુતેર્ આત્મનિ ચ

અતઃ પ્રબોધો ઽસ્માત્

સ એવ તુ કર્માનુસ્મૃતિશબ્દવિધિભ્યઃ

મુગ્ધે ઽર્ધસંપત્તિઃ પરિશેષાત્

ન સ્થાનતો ઽપિ પરસ્યોભયલિઙ્ગં સર્વત્ર હિ

ન ભેદાદ્ ઇતિ ચેન્ ન પ્રત્યેકમ્ અતદ્વચનાત્

અપિ ચૈવમ્ એકે

અરૂપવદ્ એવ હિ તત્પ્રધાનત્વાત્

પ્રકાશવચ્ ચાવૈયર્થ્યાત્

આહ ચ તન્માત્રમ્

દર્શયતિ ચાથો અપિ સ્મર્યતે

અત એવ ચોપમા સૂર્યકાદિવત્

અમ્બુવદગ્રહણાત્ તુ ન તથાત્વમ્

વૃદ્ધિહ્રાસભાક્ત્વમ્ અન્તર્ભાવાદ્ ઉભયસામઞ્જસ્યાદ્ એવમ્

દર્શનાચ્ ચ

પ્રકૃતૈતાવત્ત્વં હિ પ્રતિષેધતિ તતો બ્રવીતિ ચ ભૂયઃ

તદવ્યક્તમાહ હિ

અપિ ચ સંરાધને પ્રત્યક્ષાનુમાનાભ્યામ્

પ્રકાશાદિવચ્ચાવૈશેષ્યં પ્રકાશશ્ ચ કર્મણ્યભ્યાસાત્

અતો ઽનન્તેન તથા હિ લિઙ્ગમ્

ઉભયવ્યપદેશાત્ત્વહિકુણ્ડલવત્

પ્રકાશાશ્રયવદ્વા તેજસ્ત્વાત્

પૂર્વવદ્ વા

પ્રતિષેધાચ્ ચ

પરમતઃ સેતૂન્માનસંબન્ધભેદવ્યપદેશેભ્યઃ

સામાન્યાત્ તુ

બુદ્ધ્યર્થઃ પાદવત્

સ્થાનવિશેષાત્પ્રકાશાદિવત્

ઉપપત્તેશ્ ચ

તથાન્યપ્રતિષેધાત્

અનેન સર્વગતત્વમાયામશબ્દાદિભ્યઃ

ફલમત ઉપપત્તેઃ

શ્રુતત્વાચ્ ચ

ધર્મં જૈમિનિરત એવ

પૂર્વં તુ બાદરાયણો હેતુવ્યપદેશાત્