Brahmanda Purana · Chapter 2.44

iti śrī brahmāṇḍe mahāpurāṇe vāyuprokte madhyamābhāge tṛtīya
upoddhātapāde bhārgavacarite tricatvāriṃśattamo 'dhyāyaḥ // 43//
vasiṣṭha uvāca
rājannevaṃ bhṛgurvidvānpaśyañjanapadānbahūn /
samājagāma dharmātmākṛtavraṇasamanvitaḥ

nililyuḥ kṣattriyāḥ sarve yatra tatra nirīkṣya tam /
vrajantaṃ bhārgavaṃ mārge prāṇarakṣaṇatatparāḥ

athāsasāda rājendra rāmaḥ svapiturāśramam /
śāntasattvasamākīrṇaṃ vedadhtraninināditam

yatra siṃhā mṛgā gāvo nāgamārjjāramūṣakāḥ /
samaṃ ca ranti saṃhṛṣṭā bhayaṃ tyaktvā sudūrataḥ

yatra dhūmaṃ samīkṣyaiva hyagnihotrasamudbhavam /
unnadanti mayūrāśca nṛtyanti ca mahīpane

yatra sāyantane kāle sūryasyābhimukhaṃ dvijaiḥ /
jalāñjalīnprakṣipadbhiḥ kriyate bhūrcalāvilā

yatrāntevāsibhirnityaṃ vedāḥ śāstrāṇi saṃhitāḥ /
abhyasyante mudā yuktairbrahmacaryavrate sthitaiḥ

atha rāmaḥ prasannātmā paśyannāśramasaṃpadam /
praviveśa śanai rājannakṛtavraṇasaṃyutaḥ

jayaśabdaṃ namaḥśabdaṃ proccaradbhirdvijātmajaiḥ /
dvijaiśca satkṛto rāmaḥ paraṃ harṣamupāgataḥ

āśramābhyantare tatra saṃpraviśya nijaṃ gṛham /
dadarśa pitaraṃ rāmo jamadagniṃ taponidhim

sākṣādbhṛgumivāsīnaṃ nigrahānugrahakṣamam /
papāta caraṇopānte hyaṣṭāṅgāliṅgitāvaniḥ

rāmo 'haṃ tavā dāso 'smi proccaranniti bhūpate /
jagrāha caraṇau cāpi vidhivatsajjanāgraṇīḥ

atha mātuśca caraṇavabhivādya kṛtāñjaliḥ /
uvāca praṇato vākyaṃ tayoḥ saṃharṣakāraṇam

rāma uvāca
pitastava prabhāveṇa tapaso 'tidurāsadaḥ /
kārttavīryo hato yuddhe samutrabalavāhanaḥ

yaste 'parādhaṃ kṛtavānduṣṭamantripracoditaḥ /
tasya daṇḍo mayā dattaḥ prasahya munipuṅgava

bhavantaṃ tu namaskṛtya gato 'haṃ brahmaṇoṃ'tikam /
taṃ namaskṛtya vidhivatsvakāryaṃ pratyavedayam

samāmuvāca bhagavāñchrutvā vṛttāntamāditaḥ /
vraja svakāryasiddhyarthaṃ śivalokaṃ sanātanam

śrutvāhaṃ tadvayastāta namaskṛtya pitā maham /
gatavāñchivalokaṃ vai haradarśanakāṅkṣayā

praviśya tatra bhagavannumayā sahitaḥ śivaḥ /
namaskṛto mayā devo vāñchitārtha pradāyakaḥ

tadagre nikhilaḥ svīyo vṛttānto viniveditaḥ /
mayā samāhitadhiyā sa sarvaṃ śrutavānapi

śrutvā vicārya ta tsarvaṃ dadau mahyaṃ kṛpānvitaḥ /
trailokyavijayaṃ nāma kavacaṃ sarvasiddhidam

tallabdhvā taṃ namaskṛtya puṣkaraṃ samupāgataḥ /
tatrāhaṃ sādhayitvā tu kavacaṃ hṛṣṭamānasaḥ

kārttavīryaṃ nihatyājau śivalokaṃ punargataḥ /
tatra tau tu mayā dṛṣṭau dvāre skandavināyakau

taunamaskṛtya dharmajña praveṣṭuṃ codyato 'bhavam /
sa māmavekṣya gāmapo viśantaṃ tvarayānvitam

vārayāmāsa sahasā nādyāvasara ityatha /
mama tena pitastatra vāgyuddhaṃ hastakarṣaṇam

sañjātaparaśukṣemamato 'bhūdbhṛgunandana /
sa tajjñātvā samudgṛhya māmadhaścorddhvameva ca

kareṇa bhrāmayāmāsa punaścānītavāṃstataḥ /
taṃ dṛṣṭvātikrudhā kṣiptaḥ kuṭhāro hi mayā tataḥ

danto nipati,stasya tato deva upāgataḥ /
pārvatī tatra ruṣṭābhūttadā kṛṣṇaḥ samāgataḥ

rādhayā sahitastena sānunītā varaṃ dadau /
mahyaṃ kṛṣmo jagāmātha tena maitrīṃ vidhāya ca

tataḥ praṇamya deveśau pārvatīparameśvarau /
āgatastava sānnidhyamakṛtavraṇasaṃyutaḥ

vasiṣṭha uvāca
ityaktvā bhārgavo rāmo virarāma ca bhūpate /
jamadagniruvācedaṃ rāmaṃ śatrunibarhaṇam

jamadagniruvāca
kṣatrahatyābhibhūtastvaṃ tāvaddoṣopaśāntaye /
prayaścittaṃ tatastāvadyathāvatkartumarhasi

ityuktaḥ prāha pitaraṃ rāmo matimatāṃ varaḥ /
prāyaścittaṃ tu tadyogyaṃ tvaṃ me nirdeṣṭumarhasi

jamadagniruvāca
vrataiśca niyamaiścaiva karṣayandehamātmanaḥ /
śākamūlaphalāhāro dvādaśābdaṃ tapaścara

vasiṣṭha uvāca
ityuktaḥ praṇipatyainaṃ mātaraṃ ca bhṛgūdvahaḥ /
prayayau tapase rājannakṛtavraṇasaṃyutaḥ

sa gatvā parvata varaṃ mahendramarikarṣaṇaḥ /
kṛtvā'śramapadaṃ tasmiṃstapastepe suduścaram

vrataistapobhirniyamairdevatārādhanairapi /
ninye varṣāṇi kati cidrāmastasminmahāmanāḥ