Bodhisattvayogācāracatuḥśatakaṭīkā · Chapter 2
śarīraṃ sucireṇāpi sukhasya svaṃ na jāyate /
pareṇābhibhavo nāma svabhāvasya na yujyate //
agryāṇāṃ mānasaṃ duḥkham itaresāṃ śarīrajam /
duḥkhadvayena loko 'yam ahany ahani hanyate //
kalpanāyāḥ sukhaṃ vaśyaṃ vaśyā duḥkhasya kalpanā /
ato 'sti kiṃcit sarvatra na duḥkhād ba lavattaram //
kālo yathā yathā yāti duḥkhavṛddhis tathā tathā /
tasmāt kaḍevarasyāsya paravad dṛ śyate sukham //
vyādhayo 'nye ca dṛśyante yāvanto duḥkhahetavaḥ /
tāvanto na tu dṛśyante narāṇāṃ sukhahetavaḥ //
sukhasya vardhamānasya yathā dṛṣṭo viparyayaḥ /
duḥkhasya vardhamānasya tathā nāsti viparyayaḥ //
Original text: Bodhisattvayogācāracatuḥśatakaṭīkā · Edition: Kōshin Suzuki Sanskrit Fragments and Tibetan Translation of Candrakīrti's Bodhisattvayogācāracatuḥśatakaṭīkā Tokyo The Sankibo Press Manuscript edited by Suzuki . · Data entry Klaus Wille · GRETIL (Göttingen) · CC BY-NC-SA 4.0