બોધિસત્ત્વયોગાચારચતુઃશતકટીકા · અધ્યાય 2

શરીરં સુચિરેણાપિ સુખસ્ય સ્વં ન જાયતે ।
પરેણાભિભવો નામ સ્વભાવસ્ય ન યુજ્યતે ॥

અગ્ર્યાણાં માનસં દુઃખમ્ ઇતરેસાં શરીરજમ્ ।
દુઃખદ્વયેન લોકો ઽયમ્ અહન્ય્ અહનિ હન્યતે ॥

કલ્પનાયાઃ સુખં વશ્યં વશ્યા દુઃખસ્ય કલ્પના ।
અતો ઽસ્તિ કિંચિત્ સર્વત્ર ન દુઃખાદ્ બ લવત્તરમ્ ॥

કાલો યથા યથા યાતિ દુઃખવૃદ્ધિસ્ તથા તથા ।
તસ્માત્ કડેવરસ્યાસ્ય પરવદ્ દૃ શ્યતે સુખમ્ ॥

વ્યાધયો ઽન્યે ચ દૃશ્યન્તે યાવન્તો દુઃખહેતવઃ ।
તાવન્તો ન તુ દૃશ્યન્તે નરાણાં સુખહેતવઃ ॥

સુખસ્ય વર્ધમાનસ્ય યથા દૃષ્ટો વિપર્યયઃ ।
દુઃખસ્ય વર્ધમાનસ્ય તથા નાસ્તિ વિપર્યયઃ ॥