Bodhisattvayogācāracatuḥśatakaṭīkā · Chapter 15
jāyamāno na tasyāsti syāt tasyāpy antaraṃ yataḥ //
jāyamānanirodhena jāta utpadyate yataḥ /
tato 'nyasyāpi sadbhāvo jāyamānasya dṛśyate //
jāto yadā tadā nāsti jāyamānasya sambhavaḥ /
jāta utpadyate kasmāj jāyamāno yadā tadā //
ajāto jāta ity eva jāyamānaḥ kṛtaḥ kila //
bhedābhāvād ghaṭo 'bhāvas tadā kiṃ na vikalpyate //
aniṣpanno 'py ajātāt tu jāyamāno bahiṣkṛtaḥ //
tathāpi jāya te 'jā to yato jātād bahiṣkṛtaḥ //
nāsīt prāg jāyamāno 'pi paścāc ca kila vidyate /
tenāpi jāyate 'jātaḥ //
nābhūto nāma jāyate //
jāyate 'stīti niṣpanno nāstīty akṛta ucyate //
jāyamāno yadābhāvas tadā ko nāma sa smṛtaḥ //
kāraṇavyatirekeṇa yadā kāryaṃ na vidyate /
pravṛttiś ca nivṛttiś ca tadā naivopapadyate //
kenacid dhetunā śūnyam aśūnyam iva dṛśyate /
tasya prakaraṇaiḥ sarvaiḥ pratiṣedho vidhīyate //
yadā vaktāsti vācyañ ca na śūnya /
Original text: Bodhisattvayogācāracatuḥśatakaṭīkā · Edition: Kōshin Suzuki Sanskrit Fragments and Tibetan Translation of Candrakīrti's Bodhisattvayogācāracatuḥśatakaṭīkā Tokyo The Sankibo Press Manuscript edited by Suzuki . · Data entry Klaus Wille · GRETIL (Göttingen) · CC BY-NC-SA 4.0