Bodhisattvayogācāracatuḥśatakaṭīkā · Chapter 10
antarātmā yadā na strī na pumān na napuṃsakam /
tadā kevalam ajñānād bhāvas te 'haṃ pumān iti //
yadā sarveṣu bhūteṣu nāsti strīpuṃnapuṃsakam /
tadā kiṃ nāma tāny eva prāpya strīpuṃnapuṃsakam //
yas tavātmā mamānātmā tenātmā niyamān na saḥ //
nanv anityeṣu bhāveṣu kalpanā nāma jāyate //
dehavad vikṛtiṃ yāti pumāñ janmani janmani //
dehā t tavānyatā tasya nityatā ca na yujyate //
ā vināśāc calaṃ nāma dravyaṃ nāsti kriyā yathā //
puruṣo 'sti na caitanyam iti tena na yujyate //
karaṇaṃ jāyate mithyācaitanyaṃ śāśvataṃ yadi /
cetanādhātur anyatra dṛśyate 'nyatra cetanā //
dravatvam iva lohasyeti //
dravatvam iva lohasya vikṛtiṃ yāty ataḥ pumān //
caitanyaṃ ca manomātre mahāṃś cākāśavat pu mān //
acaitanyaṃ tatas tasya svarūpam iva dṛśyate //
para s tv aveti kiṃ nāham ahaṃ sarvagato yadi //
tenaivāvaraṇaṃ nāma na tasyaivopapadyate //
yeṣāṃ guṇānāṃ kartṛtvam acaitanyaṃ ca sarvaśaḥ /
teṣām unmattakānāṃ ca na kiṃcid vidyate 'ntaram //
teṣām unmatta kānā ṃ ca na kiṃcid vidyate 'ntaram
kartuṃ nāma vijānanti gṛhādīn sarvathā guṇāḥ /
bhoktuṃ ca na vijānanti kim ayuktam ataḥ param //
kriyāvāñ chāśvato nāsti //
sambhavaḥ kriyate yasya prāk so 'stīti na yujyate /
sato yadi bhavej janma jātasyāpi bhaved bhavaḥ //
Original text: Bodhisattvayogācāracatuḥśatakaṭīkā · Edition: Kōshin Suzuki Sanskrit Fragments and Tibetan Translation of Candrakīrti's Bodhisattvayogācāracatuḥśatakaṭīkā Tokyo The Sankibo Press Manuscript edited by Suzuki . · Data entry Klaus Wille · GRETIL (Göttingen) · CC BY-NC-SA 4.0