Bhagavata Purana · Chapter 12.13

sva-sukha-nibhṛta-cetās tad-vyudastānya-bhāvo $ 'py ajita-rucira-līlākṛṣṭa-sāras tadīyam &
vyatanuta kṛpayā yas tattva-dīpaṃ purāṇaṃ % tam akhila-vṛjina-ghnaṃ vyāsa-sūnuṃ nato 'smi // BhP_12.12.069*

0 sūta uvāca
yaṃ brahmā varuṇendra-rudra-marutaḥ stunvanti divyaiḥ stavair $ vedaiḥ sāṅga-pada-kramopaniṣadair gāyanti yaṃ sāma-gāḥ &
yaṃ brahmā varuṇendra-rudra-marutaḥ stunvanti divyaiḥ stavair $ vedaiḥ sāṅga-pada-kramopaniṣadair gāyanti yaṃ sāma-gāḥ &
dhyānāvasthita-tad-gatena manasā paśyanti yaṃ yogino % yasyāntaṃ na viduḥ surāsura-gaṇā devāya tasmai namaḥ // BhP_12.13.001* //
pṛṣṭhe bhrāmyad amanda-mandara-giri-grāvāgra-kaṇḍūyanān $ nidrāloḥ kamaṭhākṛter bhagavataḥ śvāsānilāḥ pāntu vaḥ &
pṛṣṭhe bhrāmyad amanda-mandara-giri-grāvāgra-kaṇḍūyanān $ nidrāloḥ kamaṭhākṛter bhagavataḥ śvāsānilāḥ pāntu vaḥ &
yat-saṃskāra-kalānuvartana-vaśād velā-nibhenāmbhasāṃ % yātāyātam atandritaṃ jala-nidher nādyāpi viśrāmyati // BhP_12.13.002* //
purāṇa-saṅkhyā-sambhūtim asya vācya-prayojane /
dānaṃ dānasya māhātmyaṃ pāṭhādeś ca nibodhata

brāhmaṃ daśa sahasrāṇi pādmaṃ pañcona-ṣaṣṭi ca /
śrī-vaiṣṇavaṃ trayo-viṃśac catur-viṃśati śaivakam

daśāṣṭau śrī-bhāgavataṃ nāradaṃ pañca-viṃśati /
mārkaṇḍaṃ nava vāhnaṃ ca daśa-pañca catuḥ-śatam

catur-daśa bhaviṣyaṃ syāt tathā pañca-śatāni ca /
daśāṣṭau brahma-vaivartaṃ laiṅgam ekādaśaiva tu

catur-viṃśati vārāham ekāśīti-sahasrakam /
skāndaṃ śataṃ tathā caikaṃ vāmanaṃ daśa kīrtitam

kaurmaṃ sapta-daśākhyātaṃ mātsyaṃ tat tu catur-daśa /
ekona-viṃśat sauparṇaṃ brahmāṇḍaṃ dvādaśaiva tu

evaṃ purāṇa-sandohaś catur-lakṣa udāhṛtaḥ /
tatrāṣṭadaśa-sāhasraṃ śrī-bhāgavataṃ iṣyate

idaṃ bhagavatā pūrvaṃ brahmaṇe nābhi-paṅkaje /
sthitāya bhava-bhītāya kāruṇyāt samprakāśitam

ādi-madhyāvasāneṣu vairāgyākhyāna-saṃyutam /
hari-līlā-kathā-vrātā- mṛtānandita-sat-suram

sarva-vedānta-sāraṃ yad brahmātmaikatva-lakṣaṇam /
vastv advitīyaṃ tan-niṣṭhaṃ kaivalyaika-prayojanam

prauṣṭhapadyāṃ paurṇamāsyāṃ hema-siṃha-samanvitam /
dadāti yo bhāgavataṃ sa yāti paramāṃ gatim

rājante tāvad anyāni purāṇāni satāṃ gaṇe /
yāvad bhāgavataṃ naiva śrūyate 'mṛta-sāgaram

sarva-vedānta-sāraṃ hi śrī-bhāgavatam iṣyate /
tad-rasāmṛta-tṛptasya nānyatra syād ratiḥ kvacit

nimna-gānāṃ yathā gaṅgā devānām acyuto yathā /
vaiṣṇavānāṃ yathā śambhuḥ purāṇānām idam tathā

kṣetrāṇāṃ caiva sarveṣāṃ yathā kāśī hy anuttamā /
tathā purāṇa-vrātānāṃ śrīmad-bhāgavataṃ dvijāḥ

śrīmad-bhāgavataṃ purāṇam amalaṃ yad vaiṣṇavānāṃ priyaṃ $ yasmin pāramahaṃsyam ekam amalaṃ jñānaṃ paraṃ gīyate &
tatra jñāna-virāga-bhakti-sahitaṃ naiṣkarmyam āviskṛtaṃ % tac chṛṇvan su-paṭhan vicāraṇa-paro bhaktyā vimucyen naraḥ // BhP_12.13.018* //
kasmai yena vibhāsito 'yam atulo jñāna-pradīpaḥ purā $ tad-rūpeṇa ca nāradāya munaye kṛṣṇāya tad-rūpiṇā &
kasmai yena vibhāsito 'yam atulo jñāna-pradīpaḥ purā $ tad-rūpeṇa ca nāradāya munaye kṛṣṇāya tad-rūpiṇā &
yogīndrāya tad-ātmanātha bhagavad-rātāya kāruṇyatas % tac chuddhaṃ vimalaṃ viśokam amṛtaṃ satyaṃ paraṃ dhīmahi // BhP_12.13.019* //
namas tasmai bhagavate vāsudevāya sākṣiṇe /
ya idam kṛpayā kasmai vyācacakṣe mumukṣave

yogīndrāya namas tasmai śukāya brahma-rūpiṇe /
saṃsāra-sarpa-daṣṭaṃ yo viṣṇu-rātam amūmucat

bhave bhave yathā bhaktiḥ pādayos tava jāyate /
tathā kuruṣva deveśa nāthas tvaṃ no yataḥ prabho

nāma-saṅkīrtanaṃ yasya sarva-pāpa praṇāśanam /
praṇāmo duḥkha-śamanas taṃ namāmi hariṃ param