Āyurvedamahodadhau annapānavidhi · Chapter 18

{cf. Rājanighaṇṭu 16.81}
māṣo gurur bhinnapurīṣamūtraḥ snigdhoṣṇavīryo madhuro 'nilaghnaḥ /
saṃtarpaṇastanyakaro viśeṣāt (balapradaḥ śukrakaphāvahaś ca)
kaṣāyabhāvānna purīṣabhedī na mūtralo me (nai)va balāsakartā (?) //
svādur vipāke madhuro 'tisāndraḥ saṃtarpaṇaḥstanyarucipradaś ca /
māṣaiḥ samānāṃ phalam ātmagutma(pta) mūcuś ca kākāṇḍaphalaṃ tathaiva //
// iti māṣaguṇāḥ //
atha kulatthaguṇāḥ
(u) kṛṣṇāḥkuluttho rasataḥ kaṣāyaḥ /
kaṭur vipāke kaphumārutaghnaḥ //
śrutā (śukrā)śmarīgulmaniṣūdanaś ca
saṃgrāhakaḥ pīnasakāsahārī

ānāhamedogudakīlahikkāśvāsāpahaḥ śoṇitapittakṛc ca /
kaphasya hantā nayanāmayaghno viśeṣato vanyakulittha (u)yuktaḥ

atha rājamāṣaguṇāḥ /
rājamāṣaḥ sage rucyaḥ kaphaśukra (krāmla) mapittakṛt /
susvādur vātalo rūkṣaḥ kaṣāyo 'pi mahāguruḥ

rūkṣaḥ kaṣāyo viṣaśokaśukravalāsadṛṣṭikṣayavṛddhikārī /
kaṭur vipāke madhuraś ca śimbiḥ pravṛddhaviṇmūtra (mā)rutapittalaś ca