Scripture Library
Atharva Veda · Chapter 20.59
20.59.1
udu tye madhu mattamā gira stomāsa īrate /
satrājito dhanasā akṣitotayo vājayanto rathā iva
20.59.2
kaṇvā iva bhṛgavaḥ sūrya iva viśvamiddhītamānaśuḥ /
indraṃ stomebhirmahayanta āyavaḥ priyamedhāso asvaran
20.59.3
udin nvasya ricyate'ṃśo dhanaṃ na jigyusaḥ /
ya indro harivān na dabhanti taṃ ripo dakṣaṃ dadhāti somini
20.59.4
mantramakharvaṃ sudhitaṃ supeśasaṃ dadhāta yajñiyeṣvā /
pūrvīścana prasitayastaranti taṃ ya indre karmaṇā bhuvat
Original text: atharvavedaḥ · Sanskrit Wikisource contributors · Sanskrit Wikisource · CC BY-SA 4.0