Atharva Veda · Chapter 20.60

evā hyasi vīrayurevā śūra uta sthiraḥ /
evā te rādhyaṃ manaḥ

evā rātistuvīmagha viśvebhirdhāyi dhātṛbhiḥ /
aghā cidindra me sacā

mo ṣu brahmeva tandrayurbhuvo vājānāṃ pate /
matsvā sutasya gomataḥ

evā hyasya sūnṛtā virapśī gomatī mahī /
pakvā śākhā na dāśuṣe

evā hi te vibhūtaya ūtaya indra māvate /
sadyaścitsanti dāśuṣe

evā hyasya kāmyā stoma ukthaṃ ca śaṃsyā /
indrāya somapītaye