Scripture Library
Atharva Veda · Chapter 20.31
20.31.1
tā vajriṇaṃ mandinaṃ stomyaṃ mada indraṃ rathe vahato haryatā harī /
purūṇyasmai savanāni haryata indrāya somā harayo dadhanvire
20.31.2
araṃ kāmāya harayo dadhanvire sthirāya hinvan harayo harī turā /
arvadbhiryo haribhirjoṣamīyate so asya kāmaṃ harivantamānaśe
20.31.3
hariśmaśārurharikeśa āyasasturaspeye yo haripā avardhata /
arvadbhiryo haribhirvājinīvasurati viśvā duritā pāriṣaddharī
20.31.4
śruveva yasya hariṇī vipetatuḥ śipre vājāya hariṇī davidhvataḥ /
pra yatkṛte camase marmṛjaddharī pītvā madasya haryatasyāndhasaḥ
uta sma sadna haryatasya pastyoratyo na vājaṃ harivāmacikradat/
mahī ciddhi dhiṣaṇāharyadojasā bṛhadvayo dadhiṣe haryatascidā //५
Original text: atharvavedaḥ · Sanskrit Wikisource contributors · Sanskrit Wikisource · CC BY-SA 4.0