Atharva Veda · Chapter 20.30

pra te mahe vidathe śaṃsiṣaṃ harī pra te vanve vanuṣo haryataṃ madam /
ghṛtaṃ na yo haribhiścāru secata ā tvā viśantu harivarpasaṃ giraḥ

hariṃ hi yonimabhi ye samasvaran hinvanto harī divyaṃ yathā sadaḥ /
ā yaṃ pṛṇanti haribhirna dhenava indrāya śūṣaṃ harivantamarcata

so asya vajro harito ya āyaso harirnikāmo harirā gabhastyoḥ /
dyumnī suśipro harimanyusāyaka indre ni rūpā haritā mimikṣire

divi na keturadhi dhāyi haryato vivyacadvajro harito na raṃhyā /
tudadahiṃ hariśipro ya āyasaḥ sahasraśokā abhavaddharimbharaḥ

tvaṃtvamaharyathā upastutaḥ pūrvebhirindra harikeśa yajvabhiḥ /
tvaṃ haryasi tava viśvamukthyamasāmi rādho harijāta haryatam