Atharva Veda · Chapter 20.18

vayamu tvā taditarthā indra tvāyantaḥ sakhāyaḥ /
kaṇvā ukthebhirjarante

na ghemanyadā papana vajrinn apaso naviṣṭau /
tavedu stomaṃ ciketa

icchanti devāḥ sunvantaṃ na svapnāya spṛhayanti /
yanti pramādamatandrāḥ

vayamindra tvāyavo'bhi pra ṇonumo vṛṣan /
viddhi tvasya no vaso

mā no nide ca vaktave'ryo randhīrarāvne /
tve api kraturmama

tvaṃ varmāsi saprathaḥ puroyodhaśca vṛtrahan /
tvayā prati bruve yujā