Atharva Veda · Chapter 20.19

vārtrahatyāya śavase pṛtanāṣāhyāya ca /
indra tvā vartayāmasi

arvācīnaṃ su te mana uta cakṣuḥ śatakrato /
indra kṛṇvantu vāghataḥ

nāmāni te śatakrato viśvābhirgīrbhirīmahe /
indrābhimātiṣāhye

puruṣṭutasya dhāmabhiḥ śatena mahayāmasi /
indrasya carṣaṇīdhṛtaḥ

indraṃ vṛtrāya hantave puruhūtamupa bruve /
bhareṣu vājasātaye

vājeṣu sāsahirbhava tvāmīmahe śatakrato /
indra vṛtrāya hantave

dyumneṣu pṛtanājye pṛtsutūrṣu śravaḥsu ca /
indra sākṣvābhimātiṣu