Atharva Veda · Chapter 20.141

yātaṃ chardiṣpā uta paraspā bhūtaṃ jagatpā uta nastanūpā /
vartistokāya tanayāya yātam

yadindreṇa sarathaṃ yātho aśvinā yadvā vāyunā bhavathaḥ samokasā /
yadādityebhirṛbhubhiḥ sajoṣasā yadvā viṣṇorvikramaṇeṣu tiṣṭhathaḥ

yadadyāśvināvahaṃ huveya vājasātaye /
yatpṛtsu turvaṇe sanastacchreṣṭhamaśvinoravaḥ

ā nūnaṃ yātamaśvinemā havyāni vāṃ hitā /
ime somāso adhi turvaśe yadāvime kaṇveṣu vāmatha

yan nāsatyā parāke arvāke asti bheṣajam /
tena nūnaṃ vimadāya pracetasā chardirvatsāya yacchatam