Atharva Veda · Chapter 20.140

yan nāsatyā bhuraṇyatho yadvā deva bhiṣajyathaḥ /
ayaṃ vāṃ vatso matibhirna vindhate haviṣmantaṃ hi gacchathaḥ

ā nūnamaśvinorṛṣi stomaṃ ciketa vāmayā /
ā somaṃ madhumattamaṃ gharmaṃ siñcādatharvaṇi

ā nūnaṃ raghuvartaniṃ rathaṃ tiṣṭhātho aśvinā /
ā vāṃ stomā ime mama nabho na cucyavīrata

yadadya vāṃ nāsatyokthairācucyuvīmahi /
yadvā vāṇībhiraśvinevetkaṇvasya bodhatam

yadvāṃ kakṣīvāmuta yadvyaśva ṛṣiryadvāṃ dīrghatamā juhāva /
pṛthī yadvāṃ vainyaḥ sādaneṣvevedato aśvinā cetayethām