Atharva Veda · Chapter 19.57

yathā kalāṃ yathā śaphaṃ yathā rṇaṃ sannayanti /
evā duṣvapnyaṃ sarvamapriye saṃ nayāmasi

saṃ rājāno aguḥ samṛṇāmyaguḥ saṃ kuṣṭhā aguḥ saṃ kalā aguḥ /
samasmāsu yadduṣvapnyaṃ nirdviṣate duṣvapnyaṃ suvāma

devānāṃ patnīnāṃ garbha yamasya kara yo bhadraḥ svapna /
sa mama yaḥ pāpastaddviṣate pra hiṇmaḥ /
mā tṛṣṭānāmasi kṛṣṇaśakunermukham

taṃ tvā svapna tathā saṃ vidma sa tvaṃ svapnāśva iva kāyamaśva iva nīnāham /
anāsmākaṃ devapīyuṃ piyāruṃ vapa yadasmāsu duṣvapnyaṃ yadgoṣu yacca no gṛhe

anāsmākastaddevapīyuḥ piyārurniṣkamiva prati muñcatām /
navāratnīn apamayā asmākaṃ tataḥ pari /
duṣvapnyaṃ sarvaṃ dviṣate nirdayāmasi