Āryabhaṭīya with the Commentary (with commentary) · Chapter 30
dvayoḥ kṛtiḥ dvikṛtiḥ, dvikṛtiḥ guṇaḥ yasya sa dvikṛtiguṇaḥ, tasmāt dvikṛtiguṇāt | kasmāt iti āha ã saṃvargāt | dvyantaravargeṇa samyutāt | dvayoḥ api antaram dvyantaram, dvyantarasya vargaḥ dvyantaravargaḥ, tena dvyantaravargeṇa saṃyutāt | dvikṛtiguṇāt saṃvargāt dvayoḥ api antaravargeṇa miśritāt yat mūlam | tat antarayuktam antareṇa yuktam antarayuktam | hīnam virahitam | tadguṇakāradvayam tasya saṃvargasya guṇakāradvayam | dalitam ardhitam |
uddeśakaḥ ã
saṃvargaḥ aṣṭau dṛṣṭaḥ vyaktam tatra antaram bhavet dvitayam |
aṣṭādaśake munayaḥ guṇakārau tau tayoḥ vācyau
nyāsaḥ ã saṃvargaḥ 8, antaram 2 | saṃvargaḥ 18, antaram 7 |
karaṇam ã saṃvargaḥ 8, etat dvikṛtiguṇam 32; dvyantaram 2, asya vargaḥ 4, anena saṃyuktaḥ 36 | asya mūlam 6, etat tena antareṇa yuktam 8, hīnam 4 | yathākrameṇa dalitau parasparaguṇakārau 4, 2 |
dvitīyoddeśake api guṇakārau labdhau 9, 2 |
atra guṇyaguṇakārayoḥ aviśeṣāt guṇakāradvayam iti ucyate
[ mūlaphalajñānam ]
mūlaphalānayanārtham āha ã
mūlaphalam saphalam kālamūlaguṇam ardhamūlakṛtiyuktam |
tanmūlam mūlārdhonam kālahṛtam svamūlaphalam
Original text: Āryabhaṭīya with the Commentary of Bhāskara I and Someśvara · Edition: Critical edition with Introduction and Appendices by Kripa Shankar Shukla. New Delhi: Indian National Science Academy, 1976. · Data entry Danielle Feller · GRETIL (Göttingen) · CC BY-NC-SA 4.0