Arthashastra · Chapter 04.4

samāhartṛ.praṇidhau jana.pada.rakṣaṇam uktam //

tasya kaṇṭaka.śodhanaṃ vakṣyāmaḥ //

samāhartā jana.pade siddha.tāpasa.pravrajita.cakra.cara.cāraṇa.kuhaka.pracchandaka.kārtāntika.naimittika.mauhūrtika.cikitsaka.unmatta.mūka.badhira.jaḍa.andha.vaidehaka.kāru.śilpi.kuśīlava.veśa.śauṇḍika.āpūpika.pākva.māṃsika.audanika.vyañjanān praṇidadhyāt //

te grāmāṇām adhyakṣāṇāṃ ca śauca.āśaucaṃ vidyuḥ //

yaṃ ca^atra gūḍha.ājīvinaṃ śaṅketa taṃ sattriṇā^apasarpayet //

dharmasthaṃ viśvāsa.upagataṃ sattrī brūyāt - "asau me bandhur abhiyuktaḥ, tasya^ayam anarthaḥ pratikriyatām, ayaṃ ca^arthaḥ pratigṛhyatām" iti //

sa cet tathā kuryād upadā.grāhaka iti pravāsyeta //

tena pradeṣṭāro vyākhyātāḥ //

grāma.kūṭam adhyakṣaṃ vā sattrī brūyāt - "asau jālmaḥ prabhūta.dravyaḥ, tasya^ayam anarthaḥ, tena^enam āhārayasva" iti //

sa cet tathā kuryād utkocaka iti pravāsyeta //

kṛtaka.abhiyukto vā kūṭa.sākṣiṇo^abhijñāta.anartha.vaipulyena^ārabheta //

te cet tathā kuryuḥ kūṭa.sākṣiṇa iti pravāsyeran //

tena kūṭa.śrāvaṇa.kārakā vyākhyātāḥ //

yaṃ vā mantra.yoga.mūla.karmabhiḥ śmāśānikair vā saṃvadana.karakaṃ manyeta taṃ sattrī brūyāt - "amuṣya bhāryāṃ snuṣāṃ duhitaraṃ vā kāmaye, sā māṃ pratikāmayatām, ayaṃ ca^arthaḥ pratigṛhyatām" iti //

sa cet tathā kuryāt saṃvadana.kāraka iti pravāsyeta //

tena kṛtya.abhicāra.śīlau vyākhyātau //

yaṃ vā rasasya kartāraṃ kretāraṃ vikretāraṃ bhaiṣajya.āhāra.vyavahāriṇaṃ vā rasadaṃ manyeta taṃ sattrī brūyāt - "asau me śatruḥ, tasya^upaghātaḥ kriyatām, ayaṃ ca^arthaḥ pratigṛhyatām" iti //

sa cet tathā kuryād rasada iti pravāsyeta //

tena madana.yoga.vyavahārī vyākhyātaḥ //

yaṃ vā nānā.loha.kṣārāṇām aṅgāra.bhasma.asaṃdaṃśa.muṣṭika.adhikaraṇī.bimba.ṭaṅka.mūṣāṇām abhīkṣṇa.kretāraṃ maṣī.bhasma.dhūma.digdha.hasta.vastra.liṅgaṃ karmāra.upakaraṇa.saṃsargaṃ kūṭa.rūpa.kārakaṃ manyeta taṃ sattrī śiṣyatvena saṃvyavahāreṇa ca^anupraviśya prajñāpayet //

prajñātaḥ kūṭa.rūpa.kāraka iti pravāsyeta //

tena rāgasya^apahartā kūṭa.suvarṇa.vyavahārī ca vyākhyātaḥ //
KAZ04.4.23ab/ ārabdhāras tu hiṃsāyāṃ gūḍha.ājīvās trayodaśa /
KAZ04.4.23cd/ pravāsyā niṣkraya.arthaṃ vā dadyur doṣa.viśeṣataḥ //E
(ḍetection of criminals through secret agents in the disguise of holy men)

tena doṣeṇa^itare niyantavyāḥ //