Arthashastra · Chapter 03.17

sāhasam anvayavat prasabha.karma //

niranvaye steyam, apavyayane ca //

"ratna.sāra.phalgu.kupyānāṃ sāhase mūlya.samo daṇḍaḥ" iti mānavāḥ //

"mūlya.dvi.guṇaḥ" ity auśanasāḥ //

yathā.aparādha iti kauṭilyaḥ //

"puṣpa.phala.śāka.mūla.kanda.pakva.anna.carma.veṇu.mṛd.bhāṇḍa.ādīnāṃ kṣudraka.dravyāṇāṃ dvādśa.paṇa.avaraś caturviṃśati.paṇa.paro daṇḍaḥ //

kāla.āyasa.kāṣṭha.rajju.dravya.kṣudra.paśu.paṭa.ādīnāṃ sthūlaka.dravyāṇāṃ caturviṃśati.paṇa.avaro^aṣṭa.catvāriṃśat.paṇa.paro daṇḍaḥ //

tāmra.vṛtta.kaṃsa.kāca.danta.bhāṇḍa.ādīnāṃ sthūlaka.dravyāṇām aṣṭa.catvāriṃśat.paṇa.avaraḥ ṣaṇ.ṇavati.paraḥ pūrvaḥ sāhasa.daṇḍaḥ //

mahā.paśu.manuṣya.kṣetra.gṛha.hiraṇya.suvarṇa.sūkṣma.vastra.ādīnāṃ sthūlaka.dravyāṇāṃ dviśata.avaraḥ pañca.śata.paro madhyamaḥ sāhasa.daṇḍaḥ //

striyaṃ puruṣaṃ vā^abhiṣahya badhnato bandhayato bandhaṃ vā mokṣayataḥ pañca.śata.avaraḥ sahasra.para uttamaḥ sāhasa.daṇḍaḥ // ity ācāryāḥ //

"yaḥ sāhasaṃ "pratipattā" iti kārayati sa dvi.guṇaṃ dadyāt //

"yāvadd hiraṇyam upayokṣyate tāvad dāsyāmi" iti sa catur.guṇaṃ daṇḍaṃ dadyāt //

yaḥ "etāvadd hiraṇyaṃ dāsyāmi" iti pramāṇam uddiśya kārayati sa yathā.uktaṃ hiraṇyaṃ daṇḍaṃ ca dadyāt" iti bārhaspatyāḥ //

sa cet kopaṃ madaṃ mohaṃ vā^apadiśed yathā.uktavad daṇḍam enaṃ kuryād iti kauṭilyaḥ //
KAZ03.17.15ab/ daṇḍa.karmasu sarveṣu rūpam aṣṭa.paṇaṃ śatam /
KAZ03.17.15cd/ śatāt pareṣu vyājīṃ ca vidyāt pañca.paṇaṃ śatam //
KAZ03.17.16ab/ prajānāṃ doṣa.bāhulyād rājñāṃ vā bhāva.doṣataḥ /
KAZ03.17.16cd/ rūpa.vyājyāv adharmiṣṭhe dharmyā tu prakṛtiḥ smṛtā //E
(Verbal injury)