Arthashastra · Chapter 02.31

hasty.adhyakṣo hasti.vana.rakṣāṃ damya.karma.kṣāntānāṃ hasti.hastinī.kalabhānāṃ śālā.sthāna.śayyā.karma.vidhā.yavasa.pramāṇaṃ karmasv āyogaṃ bandhana.upakaraṇaṃ sāṃgrāmikam alaṃkāraṃ cikitsaka.anīkastha.aupasthāyika.vargaṃ ca^anutiṣṭhet //

hasty.āyāma.dvi.guṇa.utsedha.viṣkambha.āyāmāṃ hastinī.sthāna.adhikāṃ sapragrīvāṃ kumārī.saṃgrahāṃ prān.mukhīm udan.mukhīṃ vā śālāṃ niveśayet //

hasty.āyāma.catur.aśra.ślakṣṇa.ālāna.stambha.phalaka.āstarakaṃ sa-mūtra.purīṣa.utsargaṃ sthānaṃ niveśayet //

sthāna.samāṃ śayyām ardha.apāśrayāṃ durge sāmnāhya.aupavāhyānāṃ bahir damya.vyālānām //

prathama.saptama aṣṭama.bhāgāv ahnaḥ snāna.kālau, tad.anantaraṃ vidhāyāḥ //

pūrva.ahne vyāyāma.kālaḥ, paśca.ahnaḥ pratipāna.kālaḥ //

rātri.bhāgau dvau svapna.kālā, tri.bhāgaḥ saṃveśana.utthānikaḥ //

grīṣme grahaṇa.kālaḥ //

viṃśati.varṣo grāhyaḥ //

vikko moḍho makkaṇo vyāthito garbhiṇī dhenukā hastinī ca^agrāhyāḥ //

sapta.aratni utsedho nava.āyāmo daśa pariṇāhaḥ pramāṇataś catvāriṃśad.varṣo bhavaty uttamaḥ, triṃśad.varṣo madhyamaḥ, pañca.viṃśati.varṣo^avaraḥ //

tayoḥ pāda.avaro vidhā.vidhiḥ //

aratnau taṇula.droṇaḥ, ardha.āḍhakaṃ tailasya, sarpiṣas trayaḥ prasthāḥ, daśa.palaṃ lavaṇasya, māṃsaṃ pañcāśat.palikam, rasasya^āḍhakaṃ dvi.guṇaṃ vā dadhnaḥ piṇḍa.kledana.artham, kṣāra.daśa.palikaṃ madyasya^āḍhakaṃ dvi.guṇaṃ vā payasaḥ pratipānam, gātra.avasekas taila.prasthaḥ, śiraso^aṣṭa.bhāgaḥ prādīpikaś ca, yavasasya dvau bhārau sa-pādau,
śaṣpasya śuṣkasya^ardha.tṛtīyo bhāraḥ, kaḍaṅkarasya^aniyamaḥ //

sapta.aratninā tulya.bhojano^aṣṭa.aratnir atyarālaḥ //

yathā.hastam avaśeṣaḥ ṣaḍ.aratniḥ pañca.aratniś ca //

kṣīra.yāvasiko vikkaḥ krīḍā.arthaṃ grāhyaḥ //

saṃjāta.lohitā praticchannā samlipta.pakṣā sama.kakṣyā vyatikīrṇa.māṃsā sama.talpa.talā jāta.droṇikā^iti śobhāḥ //
KAZ02.31.18ab/ śobhā.vaśena vyāyāmaṃ bhadrma mandaṃ ca kārayet /
KAZ02.31.18cd/ mṛgaṃ saṃkīrṇa.liṅgaṃ ca karmasv ṛtu.vaśena vā //
(Activity of elephants)