Āpastambagṛhyasūtra with Haradatta's Anākulāvṛtti and Sudarśana's Gṛhyatātparyadarśanavyākhyā (with commentary) · Chapter 69

iti śrīsudarśanācāryaviracite gṛhyatātparyadarśane dvāviṃśaḥ khaṇḍassamāptaḥ //
atha trayoviṃśa khaṇḍaḥ //
2 phalīkaraṇamuṣṭihomamantraḥ /
dakṣiṇena phalīkaraṇamuṣṭimuttarayā hutvā gatvottarāṃ japet // Ā
[etadādisūtratrayamekasūtratayā parigaṇitaṃ haradattamate iti kha.ḍa. pustakayoḥ]
(pa.7.kha.,23-1)
COMMENTARIES:
ĀpGs-Anā_23.1:
chatradaṇḍau savyena pāṇinā dhārayanneva dakṣiṇena pāṇinā phalīkaraṇānāṃ muṣṭiṃ juhoti /
uttarayarccā (1- ga.gha. avajihvaketi liṅgadarśanāt) 'ava jihvake'tyetayā /
tatrāsāviti pratyarthino nāmanirdheśaḥ prathamayā /
homaścāyamapūrvaḥ /
upasamādhānaṃ paristaraṇaṃ tūṣṇīmubhayataḥ paryukṣaṇamityetāvat /
tatassaṃvādaṃ gatvā pratyarthinaṃ dṛṣṭvā japet /
uttarā mṛcaṃ 'ā te vācamāsyāṃ'ityetām /
atrāpyasāviti pratyarthino nāmanirdeśaḥ sambudhyā /
avācīnena muṣṭinā homaḥ /
'avayaja iti'liṅgāt /
dakṣiṇeneti vacanaṃ homakāle chatradaṇḍayoḥ savyena dhāraṇārtham - savyasya vyāpṛtatvāt dakṣiṇenaiva homaḥ iti