Aniruddha Samhita · Chapter 33

atha trayastriṃśo'dhyāyaḥ
bhṛguḥ---
viṣvak‌senasya devasya pratiṣṭhā vihitā purā
tadvidhānaṃ viśeṣeṇa vadānugrahakāmyayā

śrībhagavān--
viṣvak‌senapratīṣṭhāyāḥ lakṣaṇaṃ vakṣyate'dhunā/
devāgre maṇ‍ḍapaṃ kṛtvā yathāpūrvamaśeṣataḥ

digvidiggarbhite vāpi deśe maṇḍapakalpanam/
tṛtīye'hani vā kuryāt aṅkurārpaṇapūrvakam

pratiṣṭhādivasāt pūrvaṃ jalavāsaṃ prakalpayet/
jalavāsaktiyāssarvāḥ pratiṣṭhāśāstracoditāḥ

nayanonmīlanaṃ kṛtvā snapanādi samācaret/
śayanaṃ kalpayitvā tu dvārayāgaṃ samācaret

vedimadhye tu saṃsthāpya mahākumbhaṃ tu vinyaset/
viṣvik‌senaṃ samāsādya kumbhamadhye viśeṣataḥ

parikumbhaistathā dikṣu indrādīni yathākramam/
aṣṭamaṅgalasaṃyuktaṃ pālikābhi ssamarcayet

indrādīni caturdikṣu agnikuṇḍaṃ yathākramam/
ekakuṇḍamatho vāpi caturaśraṃ tu kalpayet

ullekhanādi saṃskāra magnibījaṃ samarcayet/
aṣṭottaraśataṃ hutvā samidājyacarūn kramāt

viṣvak‌senasya mantreṇa ājyāhutiṃ yathākramam/
śāntihomaṃ tataḥ kṛtvā pūrvoktena vidhānataḥ

prāyaścittāhutiṃ caiva pañcopaniṣadaiśśatam/
tilaśāliyavonmiśra mājyamiśraṃ ca homayet

viṣvak‌senasya mantreṇa aṣṭottaraśatāhutīḥ/
tatra homaṃ prakurvīta tatvanyāsaṃ samācaret

havirnivedayet paścāt balidānapurassaram/
maṇḍapeśānabhāge tu darbheṣu pariśāyayet

prabhāte vimale śuddhe nityapūjāṃ samācaret/
kumbhe saṃpūjayeddevān nivedanapurassaram

kuṇḍapārśva samāsādya homakarma samācaret/
samidājyacarūṇaāṃ tu pratyekaṃ ṣoḍaśāhūtīḥ

prāyaścittāhutīścaiva tilaṃ śāliṃ śatāṣṭakam/
pūrṇāhutiṃ tato hutvā śāstradṛṣṭena vartmanā

muhūrte samanuprāpte brāhmaṇānāmanujñayā/
sthāpitaṃ kumbhamādāya prokṣayeddevamūrdhani

viṣvak‌senasya mantrasya praṇavādi namontakam/
nyāsaṃ kṛtvā yathānyāyaṃ ṣaḍaṅganyāsamācaret

havirnivedayet paścāt devabhojyaṃ nivedayet/
ācāryaṃ pūjayet paścāt yathāvittānusārataḥ

iti saṃkṣepataḥ proktaṃ viṣvak‌senapratiṣṭhitam//
iti śrīpāñcarātre mahopaniṣadi aniruddhasaṃhitāyāṃ
viṣvak‌senapratiṣṭhā nāma trayastriṃśo'dhyāyaḥ
atha catustriṃśo'dhyāyaḥ
------------------**************---------------