Agni Purana · Chapter 89

:e ity ādimahāpurāṇe āgneye nirvāṇadīkṣāsamāpanaṃ nāma
aṣṭāśītitamo 'dhyāyaḥ ||
% Chapter {89}
:ś athonanavatitamo 'dhyāyaḥ
ekatattvadīkṣākathanaṃ
īśvara uvāca
athaikatāttvikī dīkṣā laghutvādupadiśyate /AP_89.001ab/
sūtrabandhādi kurvīta yathāyogaṃ nijātmanā

kālāgnyādiśivāntāni tattvāni parabhāvayet /AP_89.002ab/
samatattve samagrāṇi sūtre maṇigaṇāniva

āvāhya śivatattvādi garbhādhānādi pūrvavat /AP_89.003ab/
mūlena kintu kurvīta sarvaśulkasamarpaṇaṃ

pradadīta tataḥ pūrṇāṃ tattvavātopagarbhitāṃ /AP_89.004ab/
ekayaiva yayā śiṣyo nirvāṇamadhigacchati

yojanāyai śive cānyāṃ sthiratvāpādanāya ca /AP_89.005ab/
datvā pūrṇāṃ prakurvīta śivakumbhābhiṣecanaṃ