Agni Purana · Chapter 7

:e ity ādimahāpurāṇe āgneye rāmāyaṇe
'yodhyākāṇḍavarṇanaṃ nāma ṣaṣṭho 'dhyāyaḥ ||
% Chapter {7}
:ś atha saptamo 'dhyāyaḥ
rāmāyaṇavarṇanaṃ
nārada uvāca
rāmo vaśiṣṭhaṃ mātṝñca natvātiñca praṇamya saḥ /AP_7.001ab/
anasūyāñca tatpatnīṃ śarabhaṅgaṃ sutīkṣṇakam

:n
1 yato balī iti kha, ga, cihnitapustakadvayapāṭhaḥ gato balī iti kha, ṅa,
cihnitapustakadvayapāṭhaḥ
2 nāhaṃ rājyaṃ prayāsyāmi iti kha, cihnitapustakapāṭhaḥ rājyaṃ
nāhaṃ prayāsyāmi iti ṅa, cihnitapustakapāṭhaḥ
:p 16
agastyabhrātaraṃ natvā agastyantatprasādataḥ /AP_7.002ab/
dhanuḥkhaḍgañca samprāpya daṇḍakāraṇyamāgataḥ

janasthāne pañcavaṭyāṃ sthito godāvarītaṭe /AP_7.003ab/
tatra sūrpaṇakhāyātā bhakṣituṃ tān bhayaṅkarī

rāmaṃ surūpaṃ dṛṣṭvā sā kāminī vākyamabravīt /AP_7.004ab/
kastvaṃ kasmātsamāyāto bhartā me bhava cārthitaḥ

etau ca bhakṣayiṣyāmi ity uktvā taṃ samudyatā /AP_7.005ab/
tasyā nāsāñca karṇau ca rāmokto lakṣmaṇo 'cchinat

raktaṃ kṣarantī prayayau kharaṃ bhrātaramabravīt /AP_7.006ab/
mariṣyāmi vināsāhaṃ khara jīvāmi vai tadā

rāmasya bhāryā sītāsau tasyāsīllakṣmaṇo 'nujaḥ /AP_7.007ab/
teṣām yadrudhiraṃ(1) soṣṇaṃ pāyayiṣyasi māṃ yadi

kharastatheti tāmuktvā caturdaśasahasrakaiḥ /AP_7.008ab/
rakṣasāṃ dūṣaṇenāgād yoddhuṃ(2) triśirasā saha

rāmaṃ rāmo 'pi yuyudhe śarair vivyādha rākṣasān /AP_7.009ab/
hastyaśvarathapādātaṃ balaṃ ninye yamakṣayaṃ

triśīrṣāṇaṃ kharaṃ raudraṃ yudhyantañcaiva dūṣaṇam /AP_7.010ab/
yayau sūrpaṇakhā laṅkāṃ rāvaṇāgre 'patad bhuvi

abravīdrāvaṇaṃ kruddhā na tvaṃ rājā na rakṣakaḥ /AP_7.011ab/
kharādihantū rāmasya sītāṃ bhāryāṃ harasva ca

rāmalakṣmaṇaraktasya pānājjīvāmi nānyathā /AP_7.012ab/
tathetyāha ca tac chrutvā mārīcaṃ prāha vai vraja

svarṇacitramṛgo bhūtvā rāmalakṣmaṇakarṣakaḥ /AP_7.013ab/
:n
1 hṛdrudhiramiti kha, ga, ṅa, cihnitapustakatrayapāṭhaḥ
2 rakṣasāṃ sahasā prāyādyoddhumiti ga, cihnitapustakapāṭhaḥ
:p 17
sītāgre tāṃ hariṣyāmi anyathā maraṇaṃ tava

mārīco rāvaṇaṃ prāha rāmo mṛtyurdhanurdharaḥ(1) /AP_7.014ab/
rāvaṇādapi martavyaṃ martavyaṃ rāghavādapi

avaśyaṃ yadi martavyaṃ varaṃ rāmo na rāvaṇaḥ /AP_7.015ab/
iti matvā mṛgo bhūtvā sītāgre vyacaranmuhuḥ

sītayā prerito(2) rāmaḥ śareṇāthāvadhīcca taṃ /AP_7.016ab/
mriyamāṇo mṛgaḥ prāha hā sīte lakṣmaṇeti ca

saumitriḥ sītayokto 'tha viruddhaṃ rāmamāgataḥ /AP_7.017ab/
rāvaṇopyaharat sītāṃ hatvā gṛdhraṃ jaṭāyuṣaṃ

jaṭāyuṣā sa bhinnāṅgo(3) aṅkenādāya jānakīm /AP_7.018ab/
gato laṅkāmaśokākhye dhārayāmāsa cābravīt

bhava bhāryā mamāgryā tvaṃ rākṣasyo rakṣyatāmiyam /AP_7.019ab/
rāmo hatvā tu mārīcaṃ dṛṣṭvā lakṣmaṇamabravīt

māyāmṛgo 'sau saumitre yathā tvamiha cāgataḥ /AP_7.020ab/
tathā sītā hṛtā nūnaṃ nāpaśyat sa gato 'tha tām

śuśoca vilalāpārto māntyaktvā kva gatāsi vai /AP_7.021ab/
lakṣmaṇāśvāsito rāmo mārgayāmāsa(4) jānakīm

dṛṣṭvā jaṭāyustaṃ prāha rāvaṇo hṛtavāṃś ca tāṃ /AP_7.022ab/
mṛto 'tha saṃskṛtastena kabandhañcāvadhīttataḥ
śāpamukto 'bravīdrāmaṃ sa tvaṃ sugrīvamāvraja