Agni Purana · Chapter 62

:e ity ādimahāpurāṇe āgneye dhvajārohaṇaṃ nāma
ekaṣaṣṭitamo 'dhyāyaḥ
% Chapter {62}
:ś atha dviṣaṣṭitamo 'dhyāyaḥ
lakṣmīpratiṣṭhāvidhiḥ
bhagavānuvāca
samudāyena devādeḥ pratiṣṭhāṃ pravadāmi te /AP_62.001ab/
lakṣmyāḥ pratiṣṭhā prathamaṃ tathā devīgaṇasya ca

pūrvavat sakalaṃ kuryānmaṇḍapasnapanādikaṃ(1) /AP_62.002ab/
bhadrapīṭhe śriyaṃ nyasya sthāpayedaṣṭa vai ghaṭān(2)

ghṛtenābhyajya mūlena snapayet pañcagavyakaiḥ /AP_62.003ab/
hiraṇyavarṇā hariṇī netre conmīlayecchriyāḥ

:n
1 maṇḍalasnapanādikamiti ṅa, cihnitapustakapāṭhaḥ
2 sthāpayedvaruṇe ghaṭāniti gha, ṅa, cihnitapustakapāṭhaḥ
:p 182
tanma āvaha(1) ity evaṃ pradadyānmadhuratrayam /AP_62.004ab/
aśvapūrveti pūrveṇa tāṃ kumbhenābhiṣecayet(2)

kāmosmiteti yāmyena paścimenābhiṣecayet /AP_62.005ab/
candraṃ prabhāsāmuccāryādityavarṇeti cottarāt

upaitu meti cāgneyāt kṣutpipāseti nairṛtāt /AP_62.006ab/
gandhadvāreti vāyavyāṃ manasaḥ kāmamākṛtim

īśānakalaśenaiva śiraḥ sauvarṇakardamāt /AP_62.007ab/
ekāśītighaṭaiḥ snānaṃ mantreṇāpaḥ sṛjan kṣitim(3)

ārdrāṃ puṣkariṇīṃ gandhair ārdrāmityādipuṣpakaiḥ /AP_62.008ab/
tanmayāvaha mantreṇa ya ānanda ṛcākhilaṃ(4)

śāyantīyena śayyāyāṃ śrīsūktena ca sannidhim /AP_62.009ab/
lakṣmīvījena cicchaktiṃ vinyasyābhyarcayet punaḥ

śrīsūktena maṇḍapetha kuṇḍeṣvabjāni homayet /AP_62.010ab/
karavīrāṇi vā hutvā sahasraṃ śatameva vā

gṛhopakaraṇāntādi śrīsūktenaiva cārpayet /AP_62.011ab/
tataḥ prāsādasaṃskāraṃ sarvaṃ kṛtvā tu pūrvavat

mantreṇa piṇḍikāṃ kṛtvā pratiṣṭhānaṃ tataḥ śriyaḥ(5) /AP_62.012ab/
śrīsūktena ca sānnidhyaṃ pūrvavat pratyṛcaṃ japet(6)

cicchaktiṃ bodhayitvā tu mālāt sānnidhyakaṃ caret /AP_62.013ab/
:n
1 asminnāvaha iti kha, cihnitapustakapāṭhaḥ
2 aśvamūrdheti mantreṇa tāṃ kumbhebhiniveśayediti ṅa,
cihnitapustakapāṭhaḥ
3 mantreṇa cāsṛjat kṣitimiti kha, cihnatapustakapāṭhaḥ
4 ya ānandeti vāsasamiti ṅa, cihnitapustakapāṭhaḥ
5 mantreṇa piṇḍikāṃ kṛtvā pratimāṃ sthāpayan śriya iti ṅa,
cihntapustakapāṭhaḥ
6 pratyṛcaṃ yajediti ṅa, cihnitapustakapāṭhaḥ
:p 183
bhūsvarṇavastragonnādi(1) gurave brahmaṇerpayet /AP_62.013cd/
evaṃ devyo 'khilāḥ sthāpyāvāhya svargādi bhāvayet