Agni Purana · Chapter 51

:e ity ādimahāpurāṇe āgneye devīpratimālakṣaṇaṃ nāma
pañcāśo 'dhyāyaḥ ||
% Chapter {51}
:ś atha ekapañcāśo 'dhyāyaḥ
sūryādipratimālakṣaṇaṃ
bhagavānuvāca
sasaptāśve saikacakre rathe sūryo dvipadmadhṛk /AP_51.001ab/
masībhājanalekhanyau bibhratkuṇḍī tu dakṣiṇe

vāme tu piṅgalo dvāri daṇḍabhṛt sa ravergaṇaḥ /AP_51.002ab/
:n
1 śivācyuteti kha, cihnitapustakapāṭhaḥ
2 vajradṛṣṭaya iti kha, cihnitapustakapāṭhaḥ
3 mahārathyo rūpiṇyo 'psarasa iti kha, cihnitapustakapāṭhaḥ
4 visphoṭakaruṇardana iti ga, ṅa, cihnitapustakapāṭhaḥ
:p 145
bālavyajanadhāriṇyau pārśve rājñī ca niṣprabhā

athavāśvārūḍhaḥ kārya ekastu bhāskaraḥ /AP_51.003ab/
varadā dvyabjanaḥ sarve dikpālāstrakarāḥ kramāt

mudgaraśūlacakrābjabhṛtognyādividiksthitāḥ /AP_51.004ab/
sūryāryamādirakṣontāś caturhastā dviṣaḍdale

varuṇaḥ sūryanāmā ca sahasrāṃśus tathāparaḥ /AP_51.005ab/
dhātā tapanasañjñaś ca savitātha gabhastikaḥ

raviś caivātha parjanyastvaṣṭā mitrotha viṣṇukaḥ /AP_51.006ab/
meṣādirāśisaṃsthāś ca mārgādikārttikāntakāḥ

kṛṣṇo rakto manāgraktaḥ pītaḥ pāṇḍarakaḥ sitaḥ /AP_51.007ab/
kapilaḥ pītavarṇaś ca śukābho dhavalas tathā

dhūmro nīlaḥ kramādvarṇāḥ śaktayaḥ keśarāgragāḥ /AP_51.008ab/
iḍā suṣumnā viśvārcirindusañjñā pramardinī(1)

praharṣiṇī mahākālī kapilā ca prabodhanī /AP_51.009ab/
nīlāmbarā ghanāntasthā amṛtākhyā ca śaktayaḥ

varuṇādeś ca tadvarṇāḥ keśarāgreṣu vinyaset /AP_51.010ab/
tejaś caṇḍo mahāvakro(2) dvibhujaḥ padmakhadgabhṛt(3)

kuṇḍikājapyāmālīnduḥ kujaḥ śaktyakṣamālikaḥ /AP_51.011ab/
budhaścāpākṣapāṇiḥ syājjīvaḥ kuṇḍyakṣamālikaḥ

:n
1 viśvācī vindusañjñāpravardhanī iti ṅa,
cihnitapustakapāṭhaḥ
2 mahārakta iti kha, cihnitapustakapāṭhaḥ / mārtaṇḍaś ca mahārakta
iti ṅa, cihnitapustakapāṭhaḥ
3 padmakhaḍgadhṛgiti ga, gha, cihnitapustakapustakapāṭhaḥ /
khaḍgacarmabhṛditi ṅa, cihnitapustakapāṭhaḥ
:p 146
śukraḥ kuṇḍyakṣamālī syāt kiṇkiṇīsūtravāñchaniḥ(1) /AP_51.012ab/
ardhacandradharo rāhuḥ ketuḥ khaḍgī ca dīpabhṛt

anantastakṣakaḥ karkaḥ padmo mahābjaḥ śaṅkhakaḥ /AP_51.013ab/
kulikaḥ sūtriṇaḥ sarve phaṇavaktrā mahāprabhāḥ

indro vajrī gajārūḍhaśchāgagogniś ca śaktimān /AP_51.014ab/
yamo daṇḍī ca mahiṣe nairṛtaḥ khaḍgavān kare

makare varuṇaḥ pāśī vāyurdhvajadharo mṛge /AP_51.015ab/
gadī(2) kuvero meṣastha īśānaś ca jaṭī vṛṣe

dvibāhavo lokapālā viśvakarmākṣasūtrabhṛt /AP_51.016ab/
hanūmān vajrahastaḥ syāt padbhyāṃ sampīḍitāśrayaḥ

vīṇāhastāḥ kinnarāḥ syurmālāvidyādharāś ca khe(3) /AP_51.017ab/
durbalāṅgāḥ piśācāḥ syurvetālā vikṛtānanāḥ(4) /AP_51.017cd/
kṣetrapālāḥ śūlavantaḥ(5) pretā mahodarāḥ kṛśāḥ