Agni Purana · Chapter 48

:e ity ādimahāpurāṇe āgneye śālagrāmādipūjākathanaṃ nāma
saptacatvāriṃśo 'dhyāyaḥ ||
% Chapter {48}
:ś athāṣṭācatvāriṃśo 'dhyāyaḥ
caturviṃśatimūrtistotrakathanaṃ
bhagavānuvāca
oṃrūpaḥ keśavaḥ padmaśaṅkhacakragadādharaḥ /AP_48.001ab/
nārāyaṇaḥ śaṅkhapadmagadācakrī pradakṣiṇaṃ

tato gado mādhavoriśaṅkhapadmī namāmi taṃ /AP_48.002ab/
cakrakaumodakīpadmaśaṅkhī govinda ūrjitaḥ

bhokṣadaḥ śrīgadī padmī śaṅkhī viṣṇuś ca cakradhṛk /AP_48.003ab/
śaṅkhacakrābjagadinaṃ madhusūdanamāname

bhaktyā trivikramaḥ padmagadī cakrī ca śaṅkhyapi /AP_48.004ab/
śaṅkhacakragadāpadmī vāmanaḥ pātu māṃ sadā

gaditaḥ śrīdharaḥ padmī cakraśārṅgī ca śaṅkhyapi(2) /AP_48.005ab/
hṛṣīkeśo gadācakrī padmī cakraśaṅkhī ca pātu naḥ

varadaḥ padmanābhastu śaṅkhābjārigadādharaḥ /AP_48.006ab/
dāmodaraḥ padmaśaṅkhagadācakrī namāmi taṃ

tene gadī śaṅkhacakrī vāsudevobjabhṛjjagat /AP_48.007ab/
saṅkarṣaṇo gadī śaṅkhī padmī cakrī ca pātu vaḥ

:n
1 jitaṃ tata iti kha, ga, ṅa, cihnitapustakatrayapāṭhaḥ
2 cakrī gadyatha śaṅkhyapi iti ṅa, cihnitapustakapāṭhaḥ
:p 137
gadī cakrī śaṅkhagadī (1) pradyumnaḥ padmabhṛt prabhuḥ /AP_48.008ab/
aniruddhaś cakragadī śaṅkhī padmī ca pātu naḥ

sureśoryabjaśaṅkhāḍhyaḥ śrīgadī puruṣottamaḥ /AP_48.009ab/
adhokṣajaḥ padmagadī śaṅkhī cakrī ca pātu vaḥ

devo nṛsiṃhaś cakrābjagadāśaṅkhī namāmi tam /AP_48.010ab/
acyutaḥ śrīgadī padmī cakrī śaṅkhī ca pātu vaḥ

bālarūpī śaṅkhagadī upendraś cakrapadmyapi /AP_48.011ab/
janārdanaḥ padmacakrī śaṅkhadhārī gadādharaḥ

śaṅkhī padmī ca cakrī ca hariḥ kaumodakīdharaḥ /AP_48.012ab/
kṛṣṇaḥ śaṅkhī gadī padmī cakrī me bhuktimuktidaḥ

ādimūttirvāsudevastasmāt saṅkarṣaṇobhavat /AP_48.013ab/
saṅkarṣaṇācca pradyumnaḥ pradyumnādaniruddhakaḥ

keśavādiprabhedena aikaikasya tridhā kramāt /AP_48.014ab/
dvādaśākṣarakaṃ stotraṃ caturviṃśatimūrtimat /AP_48.014cd/
yaḥ paṭhecchṛṇuyādvāpi nirmalaḥ sarvamāpnuyāt