Agni Purana · Chapter 329

:e ity āgneye mahāpurāṇe chandaḥsāro
nāmāṣṭāviṃśatyadhikatriśatatamo 'dhyāyaḥ
:p 185
% chapter {329}
:ś athonatriṃśadadhikatriśatatamo 'dhyāyaḥ
chandaḥsāraḥ
agnir uvāca
pāda āpadapūraṇe gāyatryo vasavaḥ smṛtāḥ /AP_329.001ab/
jagatyā ādityāḥ pādo virājo diśa īritāḥ

viṣṇuto rudrāḥ pādaḥ syācchanda ekādipādakaṃ /AP_329.002ab/
ādyaṃ catuṣpāccaturbhistripāt saptākṣaraiḥ kvacit

sā gāyatrī pade nīvṛt tatpratiṣṭhādi ṣaṭ tripāt /AP_329.003ab/
bardhamānā ṣaḍaṣṭāṣṭā tripāt ṣaḍvasubhūdharaiḥ

gāyatrī tripadā nīvṛt nāgī navanavartubhiḥ /AP_329.004ab/
vārāhī rasadvirasā chandaścātha tṛtīyakam

dvipād ddvādaśavasvantaiḥ tripāttu traiṣṭubhaiḥ smṛtam /AP_329.005ab/
uṣṇik chando 'ṣṭavasukaiḥ pādair vede prakīrtitaḥ

kakubuṣṇigaṣṭasūryavasvarṇāṃ tribhireva saḥ /AP_329.006ab/
punaruṣṇik sūryavasuvasvarṇaiś ca tripādbhavet

paroṣṇik paratastasmāccatuṣpādāt tribhirbhavet /AP_329.007ab/
sāṣṭākṣarair anuṣṭup syāt catuṣpācca tripāt kvacit

aṣṭārkasūryavarṇaiḥ syāt madhye 'nte ca kvacidbhavet /AP_329.008ab/
vṛhatījagatyastrayo gāyatryāḥ pūrvako yadi

tṛtīyaḥ pathyā bhavati dvitīyānyaṃ kusāriṇī /AP_329.009ab/
skandhau grīvā krauṣṭuke syād yakṣe syadvo vṛhatyapi

:p 186
upariṣṭādvṛhatyante purastādvṛhatī punaḥ /AP_329.010ab/
kvacinnavakāś catvāro digvidikṣvaṣṭavarṇikāḥ

mahāvṛhatī jāgataiḥ syāt tribhiḥ sato vṛhatyapi /AP_329.011ab/
bhaṇḍilaḥ paṅkricchandaḥ syātsūryārkāṣṭāṣṭavarṇakaiḥ

pūrvau vedayujau sataḥ paṅktiś ca viparītakau /AP_329.012ab/
prastārapaṅktiḥ purataḥ pavādāstārapaṅktikā

akṣarapaṅktiḥ pañcakāś catvāraścālpaśo dvayaṃ /AP_329.013ab/
padapaṅktiḥ pañca bhaveccatuṣkaṃ ṣaṭkakatrayam

ṣaṭkapañcabhirgāyatraiḥ ṣaḍbhiś ca jagatī bhavet /AP_329.014ab/
ekena triṣṭuvjyotiṣmatī tathaiva jagatīritā

purastājyotiḥ prathame madhye jyotiś ca madhyataḥ /AP_329.015ab/
upariṣṭājyotirantyādekasmin pañcake tathā

bhavecchandaḥ śaṅkumatī ṣaṭke chandaḥkakudmatī /AP_329.016ab/
tripādaśiśumadhyā syāt sā pipīlikamadhyamā(1)

viparītā yavamadhyā trivṛdekena varjitā /AP_329.017ab/
bhūmijaikenādhikena dvihīnā ca cirādbhavet

avarāṭsyāddvābhyāmadhikaṃ sandigdho daivatāditaḥ /AP_329.018ab/
ādipādānniś cayaḥ syācchandasaṃ devatā kramāt

agniḥ sūryaḥ śaśī jīvo varuṇaś candra eva ca /AP_329.019ab/
viśvedevāś ca ṣaḍjādyāḥ svarāḥ ṣaḍjo vṛṣaḥkramāt

gāndhāro madhyamaś caiva pañcamo dhaivatas tathā /AP_329.020ab/
niṣādavarṇāḥ śvetaś ca sāraṅgaś ca pisaṅgakaḥ

:n
1 sapipīlikamadhyageti kha..
:p 187
kṛṣṇo nīlo lohitaś ca gaurī gāyatrimukhyake /AP_329.021ab/
gaurīcanābhāḥ kṛtayo jyotiśchando hi śyāmalaṃ

agnirvaiśyaḥ kāśyapaś ca gautamāṅgirasau kramāt /AP_329.022ab/
bhārgavaḥ kauśikaś caiva vāśiṣṭo gotramīritaṃ