Agni Purana · Chapter 328

:e ity āgneye mahāpurāṇe chandaḥsāro nāma
saptaviṃśatyadhikatriśatatamo 'dhyāyaḥ
% chapter {328}
:ś athāṣṭāviṃśatyadhikatriśatatamo 'dhyāyaḥ
chandaḥsāraḥ
agnir uvāca
chandodhikāre gāyatrī devī caikākṣarī bhavet /AP_328.001ab/
pañcadaśākṣarī sā syāt prājāpatyāṣṭavirṇikā

yajuṣāṃ ṣaḍarṇā gāyatrī sāmnāṃ syāddvādaśākṣarā /AP_328.002ab/
ṛcāmaṣṭādaśārṇā syātsāmnāṃ vardheta ca dvayaṃ

ṛcāṃ turyañca vardheta prājāpatyācatuṣṭayaṃ /AP_328.003ab/
vardhedekaikakaṃ śeṣe āturyādekramutsṛjet

uṣṇiganuṣṭub vṛhatī paṅktistriṣṭubjagatyapi /AP_328.004ab/
tāni jñeyāni kramaśo gāyatryo brahma eva tāḥ

tisrastisraḥ samānyaḥ syurekaikā ārya eva ca /AP_328.005ab/
ṛgyajuṣāṃ saṃjñāḥ syuś catuḥṣaṣṭipade likhet