Agni Purana · Chapter 317

:e ity āgneye mahāpurāṇe sakalādimantroddhāro nāma
ṣoḍaśādhikatriśatatamo 'dhyāyaḥ
:p 158
% chapter {317}
:ś atha saptadaśādhikatriśatatamo 'dhyāyaḥ
gaṇapūjā
iśvara uvāca
viśvarūpaṃ samuddhṛtya tejasyupari saṃsthitam /AP_317.001ab/
narasiṃhaṃ tato 'dhastāt kṛtāntaṃ tadadho nyaset

praṇavaṃ tadadhaḥkṛtvā ūhakaṃ tadadhaḥ punaḥ /AP_317.002ab/
aṃśumān viśvamūrtisthaṃ kaṇṭhoṣṭhapraṇavādikam

namo 'ntaḥ syāccaturvarṇo viśvarūpañca kāraṇam /AP_317.003ab/
sūryamātrāhataṃ brahmaṇyaṅgānīha tu pūrvavat(1)

uddharet praṇavaṃ pūrvaṃ prasphuradvayamuccaret /AP_317.004ab/
ghoraghorataraṃ paścāt tatra rūpamataḥ smaret

caṭaśabdaṃ dvidhā kṛtvā tataḥ pravaramuccaret /AP_317.005ab/
daheti ca dvidhā kāryaṃ vameti ca dvidhā gatam(2)

ghātayeti dvidhākṛtya hūṃphaḍantaṃ samuccaret /AP_317.006ab/
aghorāstrantu netraṃ syād gāyatrī cocyate 'dhunā

tanmaheśāya vidmahe mahādevāya dhīmahi /AP_317.006*1ab/
tatraḥ śivaḥ pracodayāt gāyatrī sarvasādhanī //AP_317.006*1cd/
yātrāyāṃ vijayādau ca yajet pūrvaṅgaṇaṃ śriye /AP_317.007ab/
turyāṃśe tu purā kṣetre samantādarkabhājite

catuṣpadaṃ trikoṇe tu tridalaṃ kamalaṃ likhet /AP_317.008ab/
:n
1 sarvata iti kha..
2 dvidhākṛtamiti kha..
:p 159
tatpṛṣṭhe padikāvithībhāgi tridalamaśvayuk

vasudevasutaiḥ sābjaistidalaiḥ pādapaṭṭikā /AP_317.009ab/
tadūrdhve vedikā deyā bhagamātrapramāṇataḥ

dvāraṃ padmamitaṃ koṣṭhādupadvāraṃ vivarṇitam /AP_317.010ab/
dvāropadvāraracitaṃ maṇḍalaṃ vighnasūdanam

āraktaṃ kamalaṃ madhye vāhyapadmāni tadvahiḥ /AP_317.011ab/
sitā tu vīthikā kāryā dvārāṇi tu yathecchayā

karṇikā pītavarṇā syāt keśarāṇi tathā punaḥ /AP_317.012ab/
maṇḍalaṃ vighnamardākhyaṃ madhye gaṇapatiṃ yajet

nāmādyaṃ savarākaṃ syāddevācchakrasamanvitam /AP_317.013ab/
śiro hataṃ tatpuruṣeṇa omādyañca namo 'ntakam

gajākhyaṃ gajaśīrṣañca gāṅgeyaṃ gaṇanāyakam /AP_317.014ab/
trirāvartaṅgaganagaṅgopatiṃ pūrvapaṅktigam

vicitrāṃśaṃ mahākāyaṃ lamboṣṭhaṃ lambakarṇakam /AP_317.015ab/
lambodaraṃ mahābhāgaṃ vikṛtaṃ pārvatīpriyam

bhayāvahañca bhadrañca bhagaṇaṃ bhayasūdanam /AP_317.016ab/
dvādaśaite daśapaṅktau devatrāsañca paścime

mahānādambhāsvarañca vighnarājaṃ gaṇādhipam /AP_317.017ab/
udbhaṭasvānabhaś caṇḍau mahāśuṇḍañca bhīmakam

manmathaṃ madhusūdañca sundaraṃ bhāvapuṣṭakam /AP_317.018ab/
saumye brahmeśvaraṃ brāhmaṃ manovṛttiñca saṃlayam

layaṃ dūtyapriyaṃ laulyaṃ vikarṇaṃ vatsalaṃ tathā /AP_317.019ab/
kṛtāntaṃ kāladaḍaṇca yajet kumbhañca pūrvavat

:p 160
śrayutañca japenmantraṃ homayettu daśāṃśataḥ /AP_317.020ab/
śeṣāṇāntu daśāhutyā japāddhomantu kārayet

pūrṇāṃ datvābhiṣekantu kuryātsarvantu sidhyati /AP_317.021ab/
bhūgo 'śvagajavastrādyair gurupūjāñcarennaraḥ