Agni Purana · Chapter 316

:e ity āgneye mahāpurāṇe nānāmantrā nāma
pañcadaśādhikatriśatatamo 'dhyāyaḥ
% chapter {316}
:ś atha ṣoḍaśādhikatriśatatamo 'dhyāyaḥ
sakalādimantroddhāraḥ
īśvara uvāca
sakalaṃ niṣkalaṃ śūnyaṃ kalāḍhyaṃ svamalaṅkṛtam /AP_316.001ab/
kṣapaṇaṃ kṣayamantasthaṃ kaṇṭhoṣṭhaṃ cāṣṭamaṃśivam

prāsādasya(2) parākhyasya smṛtaṃ rūpaṃ(3) guhāṣṭadhā /AP_316.002ab/
:n
1 ripuduṣṭādi vārayediti ka.. , ṭa.. ca
2 prasādasyeti kha..
3 smṛtirūpamiti kha..
:p 155
sadāśivasya śabdasya rūpasyākhilasiddhaye

amṛtaścāṃśubhāṃścenduśceśvaraścogra ūhakaḥ /AP_316.003ab/
ekapādena ojākhya auṣadhaścāṃśumān vaśī

akārādeḥ kṣakāraś ca kakārādeḥ kramādime /AP_316.004ab/
kāmadevaḥ śikhaṇḍī ca gaṇeśaḥ kālaśaṅkarau

ekanetro dvinetraś ca triśikho dīrghabāhukaḥ(1) /AP_316.005ab/
ekapādardhacandraś ca balapo yoginīpriyaḥ

śaktīśvaro mahāgranthistarpakaḥ sthāṇudanturau /AP_316.006ab/
nidhīśo nandī padmaś ca tathānyaḥ śākinīpriyaḥ

sukhavimbo bhīṣanaś ca kṛtāntaḥ prāṇasaṃjñakaḥ /AP_316.007ab/
tejasvī śakra udadhiḥ śrīkaṇṭhaḥ siṃha eva ca

śaśāṅko viśvarūpaś ca kṣaś ca syānnarasiṃhakaḥ /AP_316.008ab/
sūryamātrāsamākrāntaṃ viśvarūpantu kārayet

aṃśumatsaṃyutaṃ kṛtvā śaśivījaṃ vināyutam /AP_316.009ab/
īśānamojasākrāntaṃ prathamantu samuddharet

tṛtīyaṃ puruṣaṃ viddhi dakṣiṇaṃ pañcamaṃ tathā /AP_316.010ab/
saptamaṃ vāmadevantu sadyojātantataḥparaṃ

rasayuktantu navamaṃ brahmapañcapañcakamīritam /AP_316.011ab/
oṃkārādyāś caturthyantā namontāḥ sarvamantrakāḥ

sadyodevā dvitīyantu hṛdayañcāṅgasaṃyutam /AP_316.012ab/
caturthantu śiro viddhi īśvarannāmanāmataḥ

ūhakantu śikhā jñeyā viśvarūpasamanvitā /AP_316.013ab/
:n
1 triśikhī cordhvavāhuka iti kha.. , cha.. ca
:p 156
tanmantramaṣṭamaṃ khyātaṃ netrantu daśamaṃ matam

astraṃ śaśī samākhyātaṃ śivasaṃjñaṃ śikhidhyajaḥ /AP_316.014ab/
namaḥ svāhā tathā vauṣat hūṃ ca phatkakrameṇa tu

jātiphaṭkaṃ hṛdādīnāṃ prāsādaṃ mantramāvade(1) /AP_316.015ab/
īśānādrudrasaṃkhyātaṃ proddhareccāṃśurañjitam

auṣadhākrāntaśirasamūhakasyoparisthitaṃ /AP_316.016ab/
ardhacandrordhanādaś ca vindudvitayamadhyagaṃ

tadante viśvarūpantu kuṭilantu tridhā tataḥ /AP_316.017ab/
evaṃ prāsādamantraś ca sarvakarmakaro manuḥ

śikhāvījaṃ samuddhṛtya phaṭkārāntantu caiva phaṭ /AP_316.018ab/
ardhacandrāsanaṃ jñeyaṃ kāmadevaṃ sasarpakam

mahāpāśupatāstrantu sarvaduṣṭapramardanam /AP_316.019ab/
prāsādaḥ sakalaḥ prokto niṣkalaḥ procyate 'dhunā

auṣadhaṃ viśvarūpantu rudrākhyaṃ sūryamaṇḍalam /AP_316.020ab/
candrārdhaṃ nādasaṃyogaṃ(2) visaṃjñaṃ kuṭilantataḥ

niṣkalo bhuktimuktau syātpañcāṅgo 'yaṃ sadāśivaḥ /AP_316.021ab/
aṃśumān viśvarūpañca āvṛtaṃ śūnyarañjitam

brahmāṅgarahitaḥ śūnyastasya mūrtirasastaruḥ /AP_316.022ab/
vighnanāśāya bhavati pūjito bālabāliśaiḥ

aṃśumān viśvarūpākhyamūhakasyopari sthitam /AP_316.023ab/
kalāḍhyaṃ sakalasyaiva pūjāṅgādi ca sarvataḥ

narasiṃhaṃ kṛtāntasthaṃ tejasviprāṇamūrdhagam /AP_316.024ab/
:n
1 mantramādarediti ña..
2 candrārdhanādasaṃyuktamiti kha..
:p 157
aṃśumānūhakākrāntamadhordhaṃ svasalaṅghṛtam

candrārdhanādanādāntaṃ brahmaviṣṇuvibhūśita /AP_316.025ab/
udadhiṃ narasiṃhañca sūryamātrāvibheditam

yadā kṛtaṃ tadā tasya brahmāṇyaṅgāni pūrvavat /AP_316.026ab/
ojākhyamaṃśumadyuktaṃ prathamaṃ varṇamuddharet

aśumaccāṃśunākrāntaṃ dvitīyaṃ varṇanāyakam /AP_316.027ab/
aṃśumānīśvarantadvat tṛtīyaṃ muktidāyakam

ūhakañcāṃśunākrāntaṃ varuṇaprānataijasam /AP_316.028ab/
pañcamantu samākhyātaṃ kṛtāntantu tataḥ param

aṃśumānudakaprāṇaḥ saptamaṃ varṇamuddhṛtam /AP_316.029ab/
padmamindusamākrāntaṃ nandīśamekapādadhṛk

prathamañcāntato yojyaṃ kṣapaṇaṃ daśavījakam /AP_316.030ab/
asyārdhaṃ tṛtīyañcaiva pañcamaṃ saptamaṃ tathā

sadyojātantu navamaṃ dvitīyāddhṛdayādikam /AP_316.031ab/
daśārṇapraṇavaṃ yattu phaḍantañcāstramuddharet

namaskārayutānyatra brahmāṅgāni tu nānyathā /AP_316.032ab/
dvitīyādaṣṭau yāvadaṣṭau vidyeśvarā matāḥ

ananteśaś ca sūkṣmaś ca tṛtīyaś ca śivoktamaḥ /AP_316.033ab/
ekamūrcyekarūpastu trimūrtiraparas tathā

śrīkaṇṭhaś ca śikhaṇḍī ca aṣṭauvidyeśvarāḥsmṛtāḥ /AP_316.034ab/
śikhaṇḍino 'pyanantāntaṃ mantrāntaṃ mūrtirīritā