Agni Purana · Chapter 304

:e ity āgneye mahāpurāṇe pañcākṣarādipūjāmantrā nāma
tryadhikatriśatatamo 'dhyāyaḥ ||
% chapter {304}
:ś atha caturadhikatriśatatamo 'dhyāyaḥ
pañcapañcāśadviṣṇunāmāṇi
agnir uvāca
japan vai pañcapañcāśadviṣṇunāmāni yo naraḥ /AP_304.001ab/
mantrajapyādiphalabhāk tīrtheṣvarcādi cākṣayam

puṣkare puṇḍarīkākṣaṃ gayāyāñca gadādharam /AP_304.002ab/
rāghavañcitrakūṭe tu prabhāse daityasūdanam

jayaṃ jayantyāṃ tadvacca jayantaṃ hastināpure /AP_304.003ab/
vārāhaṃ vardhamāne ca kāśmīre cakrapāṇinam

janārdanañca kubjāmre mathurāyāñca keśavam /AP_304.004ab/
kubjāmrake hṛṣīkeśaṃ gaṅgādvāre jaṭādharam

śālagrāme mahāyogaṃ hariṃ gobardhanācale /AP_304.005ab/
:p 123
piṇḍārake caturvāhuṃ śaṅkhoddhāre ca śaṅkhinam

vāmanañca kurukṣetre yamunāyāṃ trivikramam /AP_304.006ab/
viśveśvaraṃ tathā śoṇe kapilaṃ pūrvasāgare

viṣṇuṃ mahodadhau vidyādgaṅgāsāgarasaṅgame /AP_304.007ab/
vanamālañca kiṣkindhyāṃ devaṃ raivatakaṃ viduḥ

kāśītaṭe mahāyogaṃ virajāyāṃ ripuñjayam /AP_304.008ab/
viśākhayūpe hy ajitannepāle lokabhāvanam

dvārakāyāṃ viddhi kṛṣṇaṃ mandare madhusūdanam /AP_304.009ab/
lokākule ripuharaṃ śālagrāme hariṃ smaret

puruṣaṃ pūruṣavaṭe vimale ca jagatprabhuṃ /AP_304.010ab/
anantaṃ saindhavāraṇye daṇḍake śārṅgadhāriṇam

utpalāvartake śaurīṃ narmadāyāṃ śriyaḥ patiṃ /AP_304.011ab/
dāmodaraṃ raivatake nandāyāṃ jalaśāyinaṃ

gopīśvarañca sindhvavdhau māhendre cācyutaṃ viṭuḥ /AP_304.012ab/
sahādrau devadeveśaṃ vaikuṇṭhaṃ māgadhe vane

sarvapāpaharaṃ vindhye auḍre tu puruṣottamam /AP_304.013ab/
ātmānaṃ hṛdaye viddhi japatāṃ bhuktimuktidam

vaṭe vaṭe vaiśravaṇaṃ catvare catvare śivam /AP_304.014ab/
parvate parvate rāmaṃ sarvatra madhusūdanaṃ

naraṃ bhūmau tathā vyomni vaśiṣṭhe garuḍadhvajam /AP_304.015ab/
vāsudevañca sarvatra saṃsmaran bhuktimuktibhāk

nāmānyetāni viṣṇīś ca japtvā sarvamavāpnuyāt /AP_304.016ab/
kṣetreṣveteṣu yat śrāddhaṃ dānaṃ japyañca tarpaṇam

:p 124
tatsarvaṃ koṭiguṇitaṃ mṛto brahmamayo bhavet /AP_304.017ab/
yaḥ paṭhet śṛṇuyādvāpi nirmalaḥ svargamāpnuyāt