Agni Purana · Chapter 302

:e ity āgneye mahāpurāṇe nānāmantrā nāmaikādhikatriśatatamo
'dhyāyaḥ ||
% chapter {302}
:ś atha dvyadhikatriśatatamo 'dhyāyaḥ
aṅgākṣarārcanam
agnir uvāca
yadā janmarkṣagaś candro bhānuḥ saptasarāśigaḥ /AP_302.001ab/
pauṣṇaḥ kālaḥ sa vijñeyastadā grāsaṃ parīkṣayet

kaṇṭoṣṭhau calataḥsthānādyasya vakrā ca nāsikā /AP_302.002ab/
kṛṣṇā ca jihvā saptāhaṃ jīvitaṃ tasya vai bhavet

tāro meṣo viṣaṃ dantī naro dīrgho vaṇā rasaḥ /AP_302.003ab/
krūddholkāya maholkāya vīrolkāya śikhā bhavet

:p 117
hyalkāya rāhasolkāya vaiṣṇavoṣṭākṣaro manuḥ /AP_302.004ab/
kaniṣṭhāditadaṣṭānāmaṅgulīnāñca parvasu

jyeṣṭhāgreṇa kramāttāvan mūrdhanyaṣṭākṣaraṃ nyaset /AP_302.005ab/
tarjanyāntāramaṅguṣṭhe lagne madhyamayā ca tat

taleṅguṣṭhe taduttāraṃ vījottāraṃ tato nyaset /AP_302.006ab/
raktagauradhūmraharijjātarūpāḥ sitāstrayaḥ

evaṃ rūpānimān varṇān bhāvabuddhānnyaset kramāt /AP_302.007ab/
hṛdāsyanetramūrdhāṅghritāluguhyakarādiṣu(1)

aṅgāni ca nyasedvījānnyasyātha karadehayoḥ /AP_302.008ab/
yathātmani tathā deve nyāsaḥ kāryaḥ karaṃ vinā

hṛdādisthānagān varṇān gandhapuṣpai samarcayet /AP_302.009ab/
dharmādyagnyādyadharmādi gātre pīṭhe 'mbuje nyaset

yatra keśarakiñjalkavyāpisūryendudāhināṃ /AP_302.010ab/
maṇḍalantritayantāvad bhedaistatra nyaset kramāt

guṇāś ca tantrasatvādyāḥ keśarasthāś ca śaktayaḥ /AP_302.011ab/
vimalotkarṣaṇījñānakriyāyogāś ca vai kramāt

prahvī satyā tatheśānānugrahā madhyatastataḥ /AP_302.012ab/
yogapīṭhaṃ samabhyarcya samāvahya hariṃ yajet

pādyārghyācamanīyañca pītavastravibhūṣaṇaṃ /AP_302.013ab/
etat pañcopacārañca sarvaṃ mūlena dīyate

vāsudevādayaḥ pūjyāś catvāro dikṣu mūrtayaḥ /AP_302.014ab/
vidikṣu śrīsarasvatyai ratiśāntyai ca pūjayet

:n
1 hṛdāsyanetramūrdhāṅghrijānuguhyakarādiṣviti kha..
:p 118
śaṅkhaṃ cakraṃ gadāṃ padmaṃ muṣalaṃ khaḍgaśārṅgike /AP_302.015ab/
vanamālānvitaṃ dikṣu vidikṣu ca yajet kramāt

abhyarcya ca vahistārkṣyaṃ devasya purato 'rcayet /AP_302.016ab/
viśvaksenañca someśaṃ madhye āvaraṇādvahiḥ(1) /AP_302.016cd/
indrādiparicāreṇa pūjya sarvamavāpnuyāt